سەرۆکی ویلایەتە یەکگرتووەکانی ئەمریکا و سەرۆکی رووسیا بە تەلەفۆن قسەیان کرد. هەردووکیان پەیوەندییەکە بە "باش و بەسوود" ناودەبەن.
ئەم ئێوارەیە دۆناڵد ترەمپ، سەرۆکی ویلایەتە یەکگرتووەکانی ئەمریکا و ڤلادیمیر پووتین، سەرۆکی رووسیا بە تەلەفۆن قسەیان کرد.
دۆناڵد ترەمپ لەبارەی پەیوەندییەکەی لەگەڵ پووتین گوتی: "رووسیا خوازیاری پەیوەندیی بازرگانیی زۆر باشە لەگەڵ ئەمریکا."
پەیوەندییە تەلەفۆنییەکە بە مەبەستی دۆزینەوەی چارەسەرێک بوو بۆ جەنگی نێوان رووسیا و ئۆکراینا. دۆناڵد ترەمپ دەڵێت: "رووسیا و ئۆکراینا دەستبەجێ دەست بە دانوستاندن لەبارەی ئاگربەست و کۆتاییهێنان بە جەنگی نێوانیان دەکەن."
دوای کۆتاییهاتنی گفتوگۆکە، ڤلادیمیر پووتین، سەرۆکی رووسیا لە لێدوانێکدا رۆژنامەڤانییدا گوتی، پەیوەندییە تەلەفۆنییەکە زیاتر لە دوو کاژێری خایاندووە.
ڤلادیمیر پووتین ئاماژەی بەوەشکرد، گفتوگۆکە "راشکاوانە" بەڕێوەچووە و "زۆریش بەسوود بووە"؛ گوتیشی: "سوپاسی سەرۆکی ویلایەتە یەکگرتووەکانم کرد بۆ دەستپێکردنەوەی دانوستاندنە راستەوخۆکانی نێوان رووسیا و ئۆکراینا".
سەرۆکی رووسیا بە پێویستیشی زانی هەموو لایەک سازش بکات بۆ ئەوەی جەنگەکە کۆتایی بێت.
وەڵام بدەوه