فلادیمێر پوتین، سەرۆكی ڕووسیا، بە كۆمەڵێ قسەی شیرین و ناسک (وەک چاودێران وەسفی دەكەن) پیرۆزبایی لە دۆناڵد ترەمپ، سەرۆكی هەڵبژێردراوی ئەمەریكا كرد و بە پیاوێكی ئازا ناوزەندی كرد، بەڵام كۆشكی كریملن دەڵێت، كاتی زۆری ماوە تا بیر لە باشكردنەوەی پێوەندییەكانمان بكەین.
وێڕای پیاهەڵدانەكانی دوێنێی پوتین بۆ ترەمپ، ئەمڕۆ هەینی، هەشتی تشرینی دووەم، دیمیترین بیسكۆف گوتەبێژ بە ناوی كریملن لە كۆنگرەیەكی ڕۆژنامەوانیدا، لە وەڵامی پرسیاری ئەوەی داخۆ پێوەندییەكی تەلەفۆنی لە نێوان ترەمپ و پوتین بەم نزیكانە دروست دەبێت؟ گوتی: تا ئێستە هیچ شتێك دیار نییە، هێشتا زووە بۆ ئەوەی قسە لەسەر باشبوونەوەی پێوەندییەكانی ڕووسیا و ئەمەریكا بكەین، بەڵام ئێمە لەسەر ئامانج و ڕای خۆمان لەبارەی دۆخە هەنووكەییەكانەوە سوورین و ئامانجەكانمان بە هاتنی ترەمپ ناگۆڕێن.
سەبارەت بە ئۆكرانیا، بیسكۆف گوتی، ئێمە لەبارەی ئۆكرانیا یەك قسەمان هەیە و نایگۆڕین، باوەڕیش ناكەم پوتین ئامادە بێت لەو بارەیەوە گفتوگۆ لەگەڵ ترەمپدا بكات.
دوێنێ سەرۆكی ڕووسیا لە ستایشبارانەكەی ترەمپدا گوتی، ویستی سەرۆكی نوێی ئەمەریكا بۆ باشكردنەوەی پێوەندییەكانمان و ڕێخۆشكردن بۆ چارەسەری تەنگژەی ئۆكرانیا جێی بایەخە.
وەڵام بدەوه