ئێوارەی ئەمڕۆ یەكشەممە كۆشكی كرملینی سەرۆكایەتیی رووسیا رای گەیاند ئیدارەی جۆو بایدن سەرۆكی ئەمەریكا بەرپرسیارە لە هاتنە كایەی دۆخێك كە تیایدا تەقە لە دۆناڵد ترەمپ بەربژێری هەڵبژاردنی سەرۆكایەتیی وڵاتەكە بكرێت.
كۆشكی كرملین لە بەیاننامەیەكدا ئاماژەی بەوەش داوە كە پێیان وا نییە ئیدارەی بایدن بەرپرسیار بێت لە ئەنجامدانی هەوڵی كوشتنی ترەمپ.
ئەم بەیاننامەیە دوای ئەوە هات كە بەرەبەیانیی ئەمڕۆ یەكشەممە، دۆناڵد ترەمپ سەرۆكی پێشووی ئەمەریكا و بەربژێری سەرۆكایەتیی وڵاتەكە لە میانی كەمپەینێكدا بۆ بانگەشەی هەڵبژاردن لە ویلایەتی پەنسلڤانیا لەلایەن گەنجێكەوە تەقەی لێ كرا و گوللەیەك بەر لاگوێیەكی كەوت، هەر بەهۆی تەقەكردنەكەوە كەسێك لەناو ئاپۆرای جەماوەردا كوژرا و دووی تریش بە سەختی بریندار بوون.
وەڵام بدەوه