بۆ کەس باسی دواکەوتنی موچە ناکات؟!
پێشتر یان ڕوونتر بێژین ئەو کاتەی نەوتی کوردستان بەدەست کوردەوە بوو ، هەرکاتێک موچە دوا دەکەوت ( کە هوکاری دواکەوتنەکەش هەر بەغدا بوو) سەرکردەو پەرلەمانتارانی ئیسلامی سیاسی و یەکێتی و گۆڕان و کومەلێک بەناو محەللو میدیاکار ، بەبیانوی دواکەوتنی موچەو بەرگری کردن لەقوتی خەلک خویان گرژ دەکردەوەو هەزارو یەک توومەتی ناڕەوایان دەدایە پال پارتی و حکومەتی هەرێم و هەولیان ئەدا قەناعەت بەخەلک بێنن کە بەبێ هۆ موچە دوا دەخرێت!
زۆر جاریش هەر بەو بیانووە ناڕاست و نا واقعیە خەلکێکی ساویلکەیان دەهێنایە سەر جادەو خۆپیشاندانیان دژی حکومەتی هەرێم ڕێک دەخست .
بێ گومان هیچ مانگێک هێندەی ئەم دوو مانگەی ڕابوردو موچە دوا نەکەوتووە ، بەلام لەبەر ئەوەی نەوت ڕادەستی بەغد کراوەو هەموو خەلک دەزانێت هوکاری دواکەوتنەکە بەغدایە . هیچ یەک لەو بەناو سیاسی و پەرلەمانتارو میدیاکارانەی کە هەمیشە سازو ئامادە بوون بۆ پەلاماردانی حکومەتی هەرێم ، ئێستا لەبارەی دواکەوتنی موچە ئامادە نین سوکە ڕەخنەیەکیش ئاراستەی بەغدا بکەن !
ئەمە ئاماژەیەکی ڕوونە بۆ ئەو ڕاستیەی کە هاتوو هاواری ئەوان نەدوور نەنزیک پەیوەندی بەبەرگریکردن لەقوتی خەلکەوە نەبوو وەکو ئەوەی خویان ئیدعیان بۆ دەکرد ، بەلکو جێبەجێکردنی ئەجێندای داگیرکەرانی کوردستان بوو دژی هەولێر . ئامانجی سەرەکیش لەو هەموو توومەت بەخشینە ئەوە بوو لەژێر گوشاری خەلک هەولێر ناچار بێت نەوت ڕاستی بەغدا بکات ،هەلبەت پێشتر بەهەمان شێوە مامەلیان لەگەل نەوتی کەرکویشدا کرد ، تا نەوتی کەرکوک بەدەست کوردەوە بوو داهاتەکەی دەچووە خزمەتی خەلک ، ڕۆژانە توومەتی ناڕەوایان بۆ هەولێر دروست دەکردو بەدزینی نەوتی کەرکوک تاوانباریان دەکرد ! بەلام دوای ئەوەی کە لەخیانەتی شازدەی ئوکتوبەردا کەرکوک داگیر کراو نەوتەکەی کەوتە دەست حەشدی شەعبی و تالانی دەکات، نەمان دیت و نەمان بیست یەک کەس جورئەتی هەبێت باسی تالانکردنی نەوتی کەرکوک بکات . بەکورتی بەکوردی ئەو هەموو توومەتە ناڕەوایانەی کە لەبارەی نەوتەوە بۆ هەولێر دروست دەکران جێبەجێکردنی ئەجێندای دۆژمنانی کورد بوو ، لەبەر ئەوە بوو کە نەوت چەکێکی بەهێز بوو بەدەست کوردەوەو هەمیشە دەیتوان وەکو چەکێک بۆ بەرگری کردن بەکار بێنێت . بویە دۆژمنانی کوردو دەربارەکانی لەئیسلامی سیاسی و یەکێتی و گۆڕان و هاوئاوازەکانیان هێندە دژی بوون . دلنیام ئەوانەی دژی سیاسەتی نەوتی کوردستان بوون دوور یان نزیک دەکەونە بەر نەفرەتی هەموو کورد.لەوەش دلنیام هەموومان خوزگە بەو ڕۆژە دەخوازین کە نەوت بەدەست کوردەوە بوو .
سیامند سێلکی
وەڵام بدەوه