چما ھوون ژ دەنگێ گەلی دترسن

پارتێن ئۆپۆزسیۆن و ئەو پارتێن دەسھەلاتێ دا قوماشێ ئۆپۆزسیۆنێ دبەژنا خوە ئالاندی ھەردەما دەڤێ خوە ڤەدکەن سەر و بنێن ئەزمانێ وان دبێژن ئەم بەرەیا گەلی نە، نێزیکی ئێش و ژانێن گەلی نە، باش ئازارێن گەلی دگەھین، لێ چەند نێزیکی دەنگ دانێ دبین ژ گەلی دترسن و ب چەندین بەھانا ھەولدەن دەنگدانا ئی سال بھێتە پاشئێخستن کوە تێدا گەل کارەکتەرێ سەرەکی یێ دەنگ دانێ یە.
گەر براستی د بەرەیا گەلی بن، چما ھوون ژ دەنگێ گەلی دترسن! چما وە باوەری بخوە نینە گەل بڕیارێ بدەت کو مافێ گەلی یە ھەر چوار سالان جارەکێ بڕیارا خوە بدەت کیژان پارت حوکمڕانیێ ل وان بکەت، یان گوتن و کردارێن وە ب تمامی ھەڤدژی ھەڤن! ب گوتنان کەس بقاسی وە  بەرەیێ گەلی دا نینە لێ ب کردار کەس ب قاسی وە دژی گەلی نینە ھەردەم شەری ب گەلی دکەن، دخازن گەل ناڤ قەیرانان دا بەرزە ببن دا بکارن زێدەتر شەڕی ب گەلی بکەن. 
گەر بنێرینە گوتنێن پارتان د تورێن کۆمەلایەتی و راگەھاندنان دا وەھا خۆیادبە بتنێ پارتی دگەل ئەنجامدانا ھەلبژارتنان نینە، چونکە ب گوتنێن  وان پارتان بیت پارتی  چوجاران دگەل بەرەیێ گەلی نەبویە گەل ژی دێ پارتی سزادەت  ب دەنگێن خوە، لەوما پارتی ناخازیت دەنگ دان بھێتە کرن ژ تورەییا گەلی د ترسیت، لێ دژیواری دا بتنێ پارتی دگەل دەنگ دانێ یە تەڤ پارتێن دن ناخازن دەنگ دان بھێ کرن چونکە دزانن سەنگا وان ب تمامی دێ ھێتە خوار.
دیروک شاھدە پارتی دخۆشی و نەخوەشیان دا ھەردەم بەرەیا گەلی بویە دھەمبەردا گەل ژی دگەل  پارتی بویە ب دەنگێن خوە پارتی پاداشت کریە، پارتی چوجاران ژ دەنگ دانا گەلی نەترسیایە و ناترسیت چانتا وێ یا دوھی پرە ژ دەستکەفت و  سەروەریان ئیرۆژی پرە ل خزمەت و خزمەتگۆزاریان، ھەر جار تەکەزێ دکەت کو دەنگدان ل دەمێ خوەدا بھێنکرن چوجاران ناخازیت دەنگ دان بھێتە پاشئێخستن مافێ گەلی پێشیل ناکەت. 
پارتی گوتنێن خوەش و زۆر ناکەت مینا وان پارتان، لێ ھەردەم کردارێن پارتی گوتنێن خوەش و پڕ خزمەت و خزمەتگۆزاری دکەن، لێ پارتێن دن گوتنێ زۆر و خوەش دکەن لێ چوجاران پراکتیزە ناکەن بێ کردارن ھەردەما بەرپرسیارەتیەک ھەبیت بازددەن بەرپرسیارەتیێ بۆ ئالیێ دن دھێلن، کوە ئالیێ دن ھەردەم پارتی یە! گەل تێر بوویە ژ  پڕ گوتنان بێ پراکتیزەکرن، گەلی کردار دڤێن نەبتنێ ب جڤینان و گوتنێن نەشرین دژی حکومەت و دەسھەلاتێ خوە ب خەمخور و بەرەیێ گەلی بزانین!.