لە ساڵانی رابردوودا هەمیشە پارتی بە تەنگ دۆزینەوەی میکانیزمێکی گونجاوی چارەسەری ناکۆکیەکانی نێوان حکومەتی هەرێم و بەغداوە بووە و هەر بەم ئاراستەیەش تێکۆشاوەو هەوڵی بۆ داوە و جەمسەرێکی چالاک بووە.
بەڵام جەمسەرەکانی تری کورد و بە تایبەت ئەوانەی کەم تا زۆر حزووریان هەبووە لە گۆڕەپانی سیاسی بەغدا، نەیانویستووە لە پاڵ پارتی بە تەبەنی کردنی سیاسەتێکی کوردستانی هەنگاو بۆ زیاتر لێک نزیک کردنەوەی لایەنی عێراقی و کوردستانیەوە بنێن.
ئەمان هەمیشە یەکڕیزیان لەبار بردووە و بە ئاراستەیەکی تردا رۆیشتوون و لە زۆر بواریشدا ئاستەنگیان بۆ کاری پێکەوەیی ناوەتەوەو بوونەتە رێگر لەبەردەم پارتی بۆ دۆزینەوەی چارەسەر و پێکهاتن لەگەڵ لاینە عێراقیەکاندا.
تابەمڕۆش دەگات دەسەڵاتدارانی بەغدا بە شیعەو سونەوە بە چاوی کەم سەیری کوردو خواستەکانیان کردووەو سڵیان لە بچوکترین دەرفەتیشیان بۆ سەپاندنی شەرتومەرجەکانیان بەسەر کوردا نەکردۆتەوە.
سەقامگیری عێراق و رۆژهەڵاتی ناوەڕاستی خاوەن وزەو بەرژەوەندی ئابوری و ستراتیژی بەندە بە چارەسەری دۆزی کورد بە گوێرەی یاساو دەستورەوە، نەک سەفەقاتی ژێر پەردەو ژێربەژێر لەگەڵ ئەم وڵات و ئەو وڵات و واڵاکردنی دەستی دەرەکی لە یاریە سیاسیەکان.
لەوەتەی تاقمێک کەوا خۆیان بە پێشکەوتوو و نوخبەی روناکبیری کۆمەڵگای کوردی لەقەڵەم دەدا، بزاڤی رزگاریخوازی کوردیان دووچاری پەرتەوازەیی و ململانێ و تێکدانی یەکڕیزی نەتەوەیی و نیشتیمانی کردووە، هاوڵاتیانی هەرێمی کوردستان ئاوێکی ئیسراحەتیان نەخواردۆتەوە…
وەڵام بدەوه