یەکێک لە سەرەکیترین بنەماکانی راگەیاندنی هاو چەرخ دەست پێشخەریە لە درووست کردنی رووداوو ڕای گشتی و بەکارهێنانی زیرەکانەترین کەرەسەو ئامرازە زمانەوانیەکان بەم ئاڕاستەیەدا.
بەشێکی بەرچاوی راگەیاندنی فەرمی حزبی ( پارتی) لە هەرێمی کوردستان بە گشتی نەک دەسپێشخەرو بەرهەمهێنەری ڕای گشتی و بەخشینی دڵنیایی و دڵنەوایی کۆمەڵایەتی نیە، بگرەو هەمیشە ڕاکە ڕاکەیەتی بە دوای رووداوەکاندا.
لەپاڵ ئەمەشدا رۆلی ئەم مێدیایە بە گشت لقەکانیەوە لە نووسینەوەی وتاری کڵێشەییدا کورت کراوەتەوە.
بەم پێیە ئەم راگەیاندنە لە چوارچێوەیەکی ئایدیۆلۆجیادا مەودای جموجۆڵ و چالاکی نواندنی نیە و توانای بەرەنگاربوونەوەی ئەم مەکینە گەورە ئیعلامیەی لەدەستداوە، بە شێوەیەکی سیستەماتێک بە بنکۆڵ کردنی دەسکەوتەکانی هەرێم و قەوارە سیاسیەکەیەوە سەرقاڵە.
نائامادەیی روئیای تازەو هزری هاوچەرخی راگەیاندن و مەس مێدیا لەم بارودۆخەدا، دۆخی راگەیاندنی حزبی بەرەو ئەوە بردووە دوای هەر رووداوێک رونکردنەوە دەربکات و لە ناو مقۆمقۆی سەرشەقام و ماڵ و گەڕەک و چایەخانەکاندا بزر بێت.
وەڵام بدەوه