هەوڵی حکومەتی هەرێمی کوردستان و دامودەزگاکانی پۆلیس و ئاسایش بە داخستنی دیسکۆ و شێلانخانەو باڕو شوێنی نامۆ بە دابونەریتی کۆمەڵگاو باوەرە ئایینیەکانی کوردستانیان جێگەی دەست خۆشی کردنە.
سوود وەرگرتن لە دۆخی ئازادی و زەمینەی گونجاوی وەبەرهێنان و کاری بازرگانی بۆ کاری ناشایست و بڵاوکردنەوەو تەشەنەسەندنی بەرەڵایی و داوێن پیسی و رەچاونەکردنی ئادابی گشتی لە کۆمەڵگای کوردستانی، سیفاتی کۆمەڵە کەسانیلێکی هەلپەرەست و داڕماوو داشۆراوە لە گشت بەهایەکی ئەخلاقی و کۆمەڵایەتیەوە.
دیارە ئەم جۆرە کەسە هەلپەرەستانە لە پێناو کۆکردنەوەی سەروەت و سامانی بێ شومارو دەوڵەمەندی خێراوە ئامادەن قوربانی بە گشت بەهایەکی کۆمەڵایەتی و ئینسانیەوە بدەن و لە پێناو پارەوپوڵدا سڵ لە هیچ کاروکردارێکی ناشایست ناکەنەوە.
جڤاکی کوردەواری هەمیشە بە جڤاکێکی خاوەن ئەخلاق و بەهای بەرزی کۆمەڵایەتی و ئایینی هەژمار کراوەو وێنەیەکی جوانیشی لەم بوارەدا پشانی دەرەوە داوە.
گەرەکە لەباربردنی دابونەریت و داهێنانی دیاردە قێزەوەنە هاوردەکراوەکان لە لایەن خەڵکانی پارەپەرەست و بێ مۆراڵ، بە تووندی بەرپەرچ بدرێتەوەو رێگە نەدرێت هەڵپەی کۆمەڵە کاراکتەرێکی پارەپەرەست و بودەڵە، داڕمانی ئەخلاق و ئادابی گشتی کۆمەڵگەی کوردی لێ بکەوێتەوە.
بۆیە پێویستە حکومەتی هەرێم و داموزگاکانی پۆلیس و ئاسایش بە چڕی چاودێری سەنتەرەکانی مەساج هاوشێوەکانیان بکەن و بە ئاگادار بوون لە بچوکترین حاڵەتی ڕەچاونەکردنی یاسا و عورفە کۆمەڵایەتیە باوەکان و رێنماییە حکومیەکانەوە شوێنەکە دابخەن.
وەڵام بدەوه