مەرجێن کاک قوبادی و نەرازیبونا کاک مەسروری!
کاک قوباد چەند مەرج ھەنە، گەر مەرجێن وی بھێنە جێبەجێ کرن دێ زڤریتە حکومەتێ، لێ کاک مەسرور ب ھیچ رەنگەکێ خاترا وان ناگریت ب ھیچ مەرجەکێ کاک قوباد ھەی رازی نینە! لەوما کاک قوباد جارەکادی بریاردا کو نەئەو نە تیماوی نا ڤەگەرنەڤە و دێ بەردەوامبن بایکۆتکرنا کۆبونەوەیێن حکومەتا ھەرێما کوردستانێ!
حکومەتا کاک مەسرور بارزانی، باوەریەکا تمام ھەڤرا کارکرنێ و دابەشکرنا دەسھەلاتێ و بەشداریکرنا بریاردانێ ھەیە، چجاران کاک مەسرور بارزانی نەخاستیە و ناخازیت تاک لایەنە بیت بریاردانێ دا و ئیرادا خوە سەپینیت سەر ھیچ لایەنەکێ بەڵکو ئارمانجا کاک مەسرور سەپاندنا ئیرادا حکومەتێ یە سەر ئیرادا شەخس و پارتان. ھەر دەسپێکا دەستبکاربونا کابینا نەھێ ئارمانجا حکومەتا ھەرێما کوردستانێ حکومەتا تەڤایا ھەرێمێ بیت ل ھەڤلێرێ و سلێمانی و دھۆکێ ئێک حکومەت ھەبیت، کەس ل سەر حکومەتێ نەبیت.
لایەنێن بەشدارژی دکابینا نەھێ دا ل سەر کارناما حکومەتێ ڕێککەفتبون. لێ ھەر مەھێن دەسپێکێ دەما قەیرانا ئابووری بەروکێ ھەرێمێ گرتی ب سەدەما پەژیکا کورۆنایێ بەھایێ پیترۆلێ بۆ نزمترین ئاست داکەفتی لایەنێن بەشدار حکومەتێ دا ب تایبەتی یەنەکێ ملێ خۆنەدانا بەر بەپرسیارەتیێ ھەمی پێکول کردن حکومەتا ئەو تێدا بەشدارێن سەرەکی شکەستنێ بینیت و بھێتە ھەڵوەشاندن، چونکە ئەو فێری دەوڵەتداریێ نەببوون، بەڵکو وان شکەستنا حکومەتێ بتنێ ب شکەستان ھەڤلێرێ دزانی نەب شکەستنا خۆە.
کاک مەسرور بارزانی نەلبەرپرسیارەتیێ بازدا نە کەس تومەتبار کر، نە تەسلیمبوو و بتنێ روبەروویێ ھەمی تەحەدایێن ناڤخوە و ژدەرڤە بوو، دەما قەیران داوی ھاتین جارەکادن ب ھەستەکا نیشتیمانی ھەمی لایەنێن بەشدار دحکومەتێدا ب خودانێن دەسکەفتان زانی دەستکەفت بدەستکەفتین حکومەتێ زانین ب شەخسی نەکرن، لێ دەما یەنەکە تووشی قەیرانا ناڤخۆیا حیزبی بووی و ھەشتێ تەمموزێ ب سەر ھاتی جارەکادی مینا عەنتەران کێشەیێن خوە چارەسەکرن نەھێلان یاسا و دادوەر بکارێ خوە رابون، وان دخاست ھەر تشتێ ئەو بکەن کێ تیرۆر بکەن، کێ ژەھر بکەن، کێ بەرزەبکەن حکومەت چاڤێن خوە ل وان بگریت و نەبینیت، لێ کاک مەسرور نە مووجاملا وان کر نە خاترا کەسێ گرت لسەر تاوانان بەڵکو گوت دەما عنتەراتیێ داوی ھاتیە نھا دەما دامەزراوانە، دڤێت یاسا ب کارێ خوە رابیت ھەرتشت بھێتە چارەسەکردن ب یاسایێ و حکومەت نابیتە شەریکێ خرابیێن ھیچ لایەنکێ. ئەڤەژی بۆ کاک قوباد و تیماوی گەلەک یا گران بوو چونکە گەر یاسا کارێ خوە رابیت ھەر ئەو بخو و دەسھەلاتدارێن سەرەکی یێن حیزبا وی دێ تاوانباربن. لەوما بریارا بایکۆتکرنا حکومەتێدا بۆ ھندێ فشاران ل کاک مەسرور بکەت کار ب یاسایێ نەکەت.
نھاژی کاک قوباد بتنێ دوو مەرج ھەنە، کو مەرجێ ئێکێ ھەر تاوانا وان کری نەھێتە بەحسکرن و دوسیەیا وان بھێتە گرتن، تاوانبارێن تیرۆرکرنا ھاوکار جاڤ و موراد کانی کوردەیی کەس بەحسێ گرتناوان نەکەت بۆ ھندێ بقەھرەمانانە بھێنە قەلەم دان، کو کاک مەسرور ب ھیچ رەنگەکێ سازشێ ل سەر ڤێ تاوانێ ناکەت و نابیتە شەریکێ تاوانێن وان، مەرجێ دوویێ یێ کاک قوباد ئەو ئەو قەیرانا سلێمانیێ ھەی کو داھاتێ سلێمانی یێ ھەمی ھاتیە قورخکرن و ب قاچاخی دھێتە تالانکرن حکومەت پارەکێ مەزن بۆ سلێمانیێ دابین بکەت جھێ وی پارێ ئەو قاچاخ دکەن بگریت، لێ کاک مەسرور گوتیە بۆمن جیاوای ناڤبەرا سلێمانیێ و ھەڤلێرێ نینە بتنێ داھاتی شەفاف بکەن و تالانیێ نەھێلن گەر چەند پارە کێم بیت ئەرکێ حکومەتێیە پارەی بۆ دابین بکەت. لەوما کاک قوباد جارەکادی بریاردا ناڤەگەرنەڤە، ھەردەما کاک مەسرور ب مەرجێن وان رازی بوو وی دەمی دێ ڤەگەرنەڤە.
#HogirNerwayi
وەڵام بدەوه