ئەوەی لە سلێمانی دەگوزەرێ، هیچ پاساوێک بۆ حوکمرانانی ئەم دەڤەرە هەڵناگرێ.
خەڵکی سلێمانی و گەرمیان و دەڤەری ڕاپەڕین و پێنجوێن و…بە بارتەقای ئەو خوێن و خەباتەی لە پێناو نیشتیماندا داویانە شایستەی خزمەت و ڕێزو گرینگی پێدانن نەک بە بارمتە گرتنیان بۆ یەکلایی کردنەوەی حیسابات و ململانێی حکومەت و ئاستەنگ خستنەسەر رێگەی چاکسازی و شەفافیەت و حوکمرانی سەرتاسەری.
خەڵکی سلێمانی و گەرمیان زۆر لەوە گەورەترن ببن بە بارمتەی کۆمەڵێک هێزوگرووپ و تاقمی حزبی سەرەڕۆی وا، سەرلەبەری خەم و هەوڵدانیان بن کۆڵ کردنی پایەکانی حوکمڕانی یاساو یەکپارچەیی و هەرێمێکی سەرتاسەری و دانەبڕاوە لە یەکتر.
خەمی گشتی و سەروەرکردنی نیشتیمان و سەرخستنی بەرژەوەندی گەل بەوە دەبێ هەمووان لەبەردەم یاساورێساکاندا یەکسان بن.
ئەوە نیشتیمان پەروەری نیە دەست بۆ قوتی خەڵکی ببەی، داهات لە حکومەت بشاریەوەو گرووپ و تاقمە قاچاقچیەکان قورغی ئەرزو مەرزو داهات و خاڵە سنووریەکان بکەن.
لە هیچ شوێنێکی ئایدیۆلۆژیای سۆسیال دیموکراتدا نەبووە، هێزێکی سیاسی و چەکدار لە ژێر دەمامک و پەردەو ناوی گەورەی سۆسیال دیموکرات، هەوڵی سەپاندنی هەژمونی خۆی بەسەر ناوچەو دانیشتوانی دەڤەرێکدا بدات و گێرشێوێنی بەرهەم بێنێت و لە رێگەی ئاڵۆزکردنی دۆخی سیاسی و ئابوری و تیرۆرەوە دەسکەوت بچنێتەوەو خەڵک و هاونیشتیمانیان چەواشەو گومرا بکات.
وەڵام بدەوه