Kurdistan Press - بافل و ئەزموونی سلێمانی بافل و ئەزموونی سلێمانی | Kurdistan Press

KurdistanPress...

CLOSE

بافل و ئەزموونی سلێمانی

بافل و ئەزموونی سلێمانی

زۆر بە کورتی ئەوەی بافل تالەبانی بانگەشە و کاری بۆ دەکات، شتێکی نوێ نیە، بەڵکو دووبارە کردنەوەی هەمان ئەو گوتارەیە کە پێشتر بە شێواز و لە ژێر ناونیشانی دیکە راگەیەندراوە، تاکە ئامانج لێی گەڕاندنەوەی کوردستانە بۆ سەردەمی بەر لە هەبوونی دامەزراوە نیشتیمانیەکانی وەک پەڕلەمان و حکومەت و دادوەری، لە جێگەیاندا سەپاندنی فکر و فەلسەفە و لۆجیکی مافیاییە لە بەڕێوەبردنی وڵاتدا، زۆر بە کورتی تر کۆپی کردنی ئەزموونی سلێمانیە لە سەرتاسەری کوردستان، لە باڵا دەست بوونی عەسکەرتاریەت و شکستی مەدەنیەت.

ئەزموونی سلێمانی لە حوکمڕانی، ئەزموونی کابرایەکی پۆستاڵ لە پێییە، کە جلوبەرگی چەپەکانی ئەمریکای باشور و سوپای پاسدارانی ئێرانی پۆشیووە و بە هەمان لۆژیک دەیەوێ عەقیدەی سیاسی خۆی بسەپێنێ کە درێژکراوەی هەمان عەقیدەی سیاسی ئیقلیمییە کە لەناوبردنی قەوارەی دەستوری هەرێمی کوردستان لە سەر لیستی کارەکانیەتی.

ئەزموونی سلێمانی لە حوکمڕانی تەواو پێچەوانەی مێژووی گەشی ئەدەبیات و هونەر و پێشکەوتنی کۆمەڵایەتییە، ئەو ئەزموونە کە زادەی حیزبێکی شکست خواردوو و بنەماڵەیەکی خۆسەپێنە، تەنها باوەڕی بە هەبوونی یەک حیزب و یەک رەنگ و دەنگ و دروشم هەیە، کە هەموویان لە یەک بنەماڵە و بگرە یەک کەس کۆبۆتەوە.

ئەزموونی سلێمانی لە سیاسەت و حوکمڕانیدا، ئەزموونی کپ کردنی دەنگی ئازادیخوازان و ئەوانەی داوای مافە هەرە سەرەتاییەکانیان دەکەن، مافی ئازادی راوڕا دەربڕین، مافی کاری سیاسی و رێکخراوەیی، مافی رێزگرتن لە جیاوازەییەکان و مل کەچ نەبوون بۆ تەنها کەس و بڕیار و بنەماڵەییەک.

تەجاوزکردنی ئەو ئەزموونە کە کۆپیەکی گروپە پۆپۆلیتار و پۆپۆلیستەکانە، گوناحە تاهەتایە وەک ئەژدیهاکێک لە ملی سلێمانیەوە بئاڵێ و رۆڵەکانی ببنە خۆراکی.

نووسینی: ئاسۆ حاجی. 

دەربارەى نوسەر
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
بینینى بابەتەکان

وەڵام بدەوه