وەهمی پێکەوەژیان
دونیای ئێمە پڕیەتی لەو مرۆڤانەی لە ناو وەهمی تێگەیشتنی هەڵەو سەقەت و تەسکدا شوناسی خۆیان ون کردووە.
ئەم جۆرە لە ئینسانانە تا ئەبەد سەرسەختانە جەنگی حەقیقەتە مەلموسەکان دەکەن بە بێ ئەوەی هیچ گۆڕانێک بەسەر عەقڵ و جیهانبینیاندا بێت و ئاڕاستەیەکی جیاواز لە دوێنێ بگرنە بەر و مێتۆدێکی عەقڵانی لە پێناو چاکەی گشتیدا بەرهەڤ بکەن.
مرۆڤ تا قۆناغی جەهل و گەمژەیی و باوەڕە سەقەتەکان تێنەپەڕێنێ و ئیش لەسەر واقع نەکات، ئەستەمە مۆدێلێک لە ژیان و دونیا بێنێتە کایەوە، ئاسوودەیی و کەرامەت و هێمنی و بەختەوەری بۆ فەراهەم بکات.
لەبەختی بەدی کورد هەموو ئەو نەتەوانەی کوردیان بەسەردا دابەش کراوە، هەڵگری تاکە عەقڵیەتێکی ستاندەرد و هاوشێوەی یەکترن. پێکەوە ژیان لەم بەشە لە جیهاندا لەهەموو مانایەکی فەلسەفی و ئەخلاقی و کۆمەڵایەتی و سیاسی بەتاڵ کراوەتەوە. لە دۆخی لەمشێوەیەدا ئەستەمە مرۆڤ بتوانێ هەستی هاونیشتیمان بوون لەناو بۆتەی نەتەوەیەکی ستەمکارو خۆبەزلزان لە ناخی خۆیدا بەهێز بکات و شوناسی خۆبوون ( کوردبوون) بخاتە لاوە.
وەڵام بدەوه