کورد لە نێوان دیالۆگ و زەبروزەنگدا
هەموو ئەو وڵات و نەتەوانەی کوردیان بەسەردا دابەش کراوە، تەنیا زمانی گفتوگۆیەک بیزانن، زمانی زەبروزەنگ و کوشتن و وێران کردن و هێرش بردن و پەلاماردانە.
مێژووی ستەم و ناکۆکی و هەوڵدانی کورد بۆ دۆزینەوەی چارەسەری سەرجەم کێشەکانی لەهەر چوار پارچەکەی کوردستان، مێژوویەکی تراژێدی و خوێناویە.
کورد هەرگیز بۆ چارەسەری پرس و کێشە و گرفتە نیشتیمانی و نەتەوەییەکانی وەک ئامرازی ژمارە یەک، پەنای بۆ چەک نەبردووە. بەڵکو ئەوە هێزە شمولیەکانی تورک و عەرەب و فارس بوونە لە رێگەی چەک و زەبروزەنگەوە، هەوڵی سڕینەوەو بە چۆک دادان و پاشەکشەی کوردیان داوە و هەرگیز نەیانویستە رێگەی ئاشتی و پێکەوەیی و دتیلۆگ بکەن بە خواستی ژمارە یەک و ئاڕاستەیەکی عەقڵانی بگرنە بەر.
ئەوەی لە سوریا دژ بە کورد لەم رۆژانە لە هێرش بردن و پەلاماردانی دەکرێ، درێژەی باڵادەستی هەمان عەقڵیەتی نەخۆش و خۆبە گەورەزانی و شۆفینیزمی نەژادیە، زیاتر لە سەت ساڵە بە شێوازو فۆڕمی جیاوازەوە لە هەموو قۆناغەکان تاقی کراوەتەوەو لە ملکەج کردنی کورد و خۆڕادەست کردنی سەرکەوتوو نەبووەو شکستی خواردووە.
وەڵام بدەوه