کشانەوە لە پرۆسەی سیاسی عێراق و ختوکەدانی هەستوسۆزی شەقامی بەغدا لەم ئانوساتەی عێراق بە دۆخێکی سەخت و چارەنوس سازدا تێپەردەبێ، بەدەرە لە گشت بەرپرسیارەتیەکی نیشتیمانیەوە.
هەربزاڤ و رێکخراوێک لە پرۆسەی سیاسی وڵات کشایەوە، وەک ئەرکێکی نیشتیمانی و ئەخلاقی پێویستە حیساب بۆ هەر هەنگاوو پلان و خیتابێکی خۆی بکات و هەڕەمەکی ئاو لە ئاشی تێکدانی دۆخی وڵات نەکات.
دوای تێپەڕبوونی نزیکەی ساڵێک بەسەر هەڵبژاردنە گشتیەکاندا، هێشتا کوتلە و لایەنە سیاسیەکانی عێراقی لەسەر هێڵی مقۆمقۆ و بینەو بەردەی سیاسی و بەرژەوەندیە حزبیەکان ماونەتەوەو نایانەوێ بەرژەوەندی گەل و نیشتیمان بخەنە سەرووی ئەجیندا دەرەکی و جەمسەربەندیە ناوەکیەکاندا.
بەردەوام بوونی ئەم دۆخە جۆرێک لە نائومێدی و نەمانی متمانەی لە نێو عێراقیەکان خۆیان و دەسەڵاتدارانی وڵات و کوتلە سیاسیەکان هێناوەتە ئاراوەو هیچ ئاسۆیەکی دڵخۆشکەر بۆ دەرباز بوون لە تونێلە داخراوەکە بەدی ناکرێت.
وەڵام بدەوه