مرۆڤی ژیر لە پانتای ژیان و کاری سیاسی و فەلسەفەی حوکمرانیدا، ناچێت شێوازێک و مۆدێلێک لە ئیدارەدان و حوکمرانی تاقی بکاتەوە، پێشتر تیایدا سەرنەکەوتووەو جگە لە شکست و کەڵەکەکردنی کێشە لە دوای کێشە، هیچ دەسکەوتێکی تری بەرچاوی نەچنیوەتەوە.
حکومەتی زۆرینەی نیشتیمانی لەم قۆناغەی هەنوکە عێراق گیرۆدەی دۆخی ئاڵۆزی ناکۆکی قوڵی نێوان کوتلە و رەوتە سیاسیەکان بۆتەوە و لەم لاشەوە سەتان گرفت و ئاڵۆزی رووی تێکردووە ، نەک هیچی بۆ گەلانی عێراق پێ نابێت بەڵکو دۆخی وڵات بەرە ئاڵۆزکاوی زیاتر بێ متمانەییەوە دەبات.
زیاد لەمەش بەهۆی ئەو ناکۆکی و درزە قوڵەی کەوتۆتە نێو ماڵی شیعەو ئاراستەو رەوتە سیاسیەکانی نێوان کوتلە شیعە نیشتیمانپەروەرەکان و ئەوانەی سەربە ئاراستەی دەرەکین، تاقیکردنەوە پێداگری کردن لەسەر پێکهێنانی حکومەتی بنکە فرەوان و رازی کردنی ئینس و جنی سەربە هەردوو رەوتەکە بە پێوەری هیچ عەقڵ و مەنتیقێک لە بەرژەوەندی گەلانی عێراق و پرسە نیشتیمانیەکاندا نیە.
بەڵکو هەمیسان وڵات دەکاتە چەقی نائارامی و دۆخی هاوڵاتیان دەخاتەوە نێو گێژاوی ناکۆکیەکان و بەردەوامیدان بەو دۆخە تاقەت پروکێنەی ساڵانێکە هەمووانی هیلاک و ماندوو و نائومێد بە پرۆسەی سیاسیەوە کردووە.
وەڵام بدەوه