نەیارانی کورد باش دەزانن بەبێ ھەموو بەڵگەکانی عوسمانی و مەلکی و پاشایەتی کەرکوک ھی کوردە، ئەوجا بۆ ئەوەی کەرکوک ھی خۆیان بێت نەک بۆ کورد یەکێتی دەکەن بەحاکمی کەرکوک!
کەرکوک ھەرگیز نابێتە ھی کورد ھەتا یەکێتی نوێنەرایەتی کورد بکات لە کەرکوک، چونکە یەکێتی ئامادەی ھەموو تەنازولاتێکە لەسەر حسابی کورد. عەرەب و تورکمان و ھەموو نەیارانی کورد ئەوە دەزانن کە کەرکوک ھی کوردە، بۆ ئەوەی شەرعیەت بەوە بدەن لە لای کۆمەڵگەی نێودەوڵەتی کە مافی کورد دەدەن، پارێزگاری کەرکوک بە کورد دەدەن، بەڵام بە کوردێک دەدەن کە تەنھا زمان و جل و بەرگی کوردی بێت نەک فکری کوردی بێت، ئەوجا کەس بۆ ئەوان لە یەکێتی باشتر نییە و نابێت کە خزمەتی ئەجێبدایی ئەوان بکات. ھەتا یەکێتیش ھەبێت ئەوان ھیچ بەدیلێکی تر نابینن جگە لە یەکێتی، ئامادەن دەنگی عەرەب و تورکمان لە حەویجە و ئەو شوێنەش بە یەکێتی بدەن کە پێیان داوە تەنھا بۆ ئەوەی ھیچ حیزبێکی دیکەی کوردی زیاتر لە یەکێتی دەنگ نەھێنێت.
ھەر حیزبێکی کوردی ئەوەی یەکێتی بۆ نەیارانی کورد دەکات نیو ھێندە یەکێتی بۆ ئەوان بکات نەک ھەر پارێزگار پێ دەدەن بەڵکو سەرۆک کۆمار و ھەموو شتێک پێ دەدەن، ھەر بزانن پارتی نیو ھێندەی یەکێتی بۆ ئەوان دەکات بەبێ دووسێ پشت لە یەکێتی دەکەن پارێزگاری بەسرا و بەغداش بە پارتی دەدەن! نەجەف و کەربەلاش بەناوی پارتییەوە دەکەن. ئەوەش بزانن یەکێتی پاداشتی تەسلیمبونی خۆی وەردەگرێت و پارتیش باجی کوردایەتی و ڕیفراندۆم دەدات لای نەیارانی کورد.
#HogirNerwayi
وەڵام بدەوه