جەژن بەلای بەشێک لە کۆمەڵگا چیتر ئەو ڕۆژە نیە هەمووان چاوەروانیان دەکردو وەک هێزێکی لە بن نەهاتووی رۆحانی چەسپاو، هەمووانی لە دەور یەک پەیام و گوتاری ئایینی پێکەوەیی و کۆمەڵایەتی کۆدەکردەوە.
ئەو گۆڕانکاریانەی تەکنۆلۆجیا لەگەڵ خۆی هێنای، جیا لەوەی دونیای پەیوەندیەکانی خستە بەردەم دەیان ئاڵنگاری و زەحمەتی و ئاسانکاریەوە، ژیان و تایبەتمەندیەکانی رۆحیەتی ئینسان بوونیشی لە بەشێکی بێ شوناسی جڤاک خستە دۆخی قەیران و رەوتی جەدەلی متمانەو نامتمانەیی بە دەورووبەرو ژینگەو بکەرانی ناویەوە .
جاران جەژن بەشیکی دانەبڕاو بوو لە شوناسی ئایین و ئایین و جوانی مرۆڤەکان و کۆمەڵگای پێ دەناسرایەوە.
لە ئێستادا گۆڕانکاری و وەرچەرخانە سەرسووڕهينەرو خێراکانی پانتای کۆمەڵگا لە رووی تەکنۆلۆجیا و ئابوری و سیاسی و کولتوریەوە، نەک هەر شوناس، بەڵکو تێگەیشتن و دونیای جوانیە مەعنەوی و نەریتەکانی کۆمەڵگاشی خستە بەردەم زریانی گۆڕانکاریەکانەوەو رۆحی زیندووێتی لە ژیان و مرۆڤ سەندەوە.
وەڵام بدەوه