سرووشتی سیستەمە مەزهەبگەراو تائیفیەکان
ژیان لە ژێر سیستەمێکی شۆفینی، ئاتیفی و دەمارگیری نەژادی و ناسیۆنالیزمی مەزهەبگەرای تووندڕۆ، کەرامەت و شکۆی نەتەوایەتی ئەڕووخێنێ و توانای بیرکردنەوە پەک ئەخات.
سیستەمە تائیفی و شۆفینیە دەمارگیرەکان، پەیتا پەیتا و بە بەرنامەوە پێکهاتە ئەتنیەکان ئەکەن بە هاوڵاتیەکی پلە دووی گوێ ڕایەڵ و دەستەمۆکراوی بێ ئیرادەی ژێر دەستەوە.
ژیان لە ژێر سایەی ئەم عەقڵیەتە دواجار توانای ڕووبەڕووبوونەوە لە تاک زەوت ئەکات و بە بیانوی برایەتی و وەک یەک کردن و یەکپارچەییەوە لە ناو بوتەی نەتەوەی سەردەستدا، شوناسی نەتەوایەتی لای کۆمەڵە ئەتنیکیەکان کاڵ ئەکاتەوەو سەرەنجام لە ناو بۆتەی یەک دەوڵەت و مەرکەزێکی بەهیز ئەیانتوێنێتەوە و دواجار ئەیانکات بە بوونەوەرێکی بێ ئیرادە و ئاخێنراو بە کۆمەڵێک دیدگاو ئایدیۆلۆژیاو بیرو بۆچونی نامۆ بە نەتەوەکەیانەوە.
وەڵام بدەوه