حکومەتی هەرێم بەری رەنج و تێکۆشانی زیاتر لە نیو سەدەیە
لەوەتەی بەری رەنج و تێکۆشان و قوربانیدانی کورد، حکومەتی هەرێمی کوردستانی لێکەوتۆتەوە، ناحەزانی کورد بەسەر هیچ دەلیڤەو دەرفەتێکدا بازیان نەداوە لە سوکایەتی کردن و دوژمندارێتیان بەرامبەر بە حکومەت و دامودەزگا شەرعیەکانیەوە.
ناحەز و نەیارانی کورد نەیانشاردۆتەوە ئەوان ناخوازن لە هیچ شوێنێکی ئەم گیتیەدا کورد ببێ بە خاوەن دەوڵەت و دامەزراوەی خۆی و رووبەرووی هەر هەنگاوێک بەرە سەربەخۆیی دەوەستنەوەو شکستی پێ دێنن.
بیانوو و فشارەکانی بەغدا و تۆپ باران و موشەک بارانی هەرێمیش لە ساڵانی رابردوو بە ئێستاشەوە درێژکراوەی هەمان هەڵمەتی دژە هەرێم و هاونیشتیمانیانە و دەچێتەوە خانەی هەمان سیاسەتەوە و هەر جارەو بە فۆڕم و شێوازو هەژمون و چوارچێوەی جیاوازەوە دەردەکەوێ.
وەڵام بدەوه