دوێنێ بەردێک لە ئاسمانەوە کەوتە خوارەوە:
یەکێک گوتی ئۆباڵەکەی میللەتە…
یەکێکی تر وتی نا عیللەتە…
ئەویتریان پێی وابوو عوکمەتە ( حکومەت)
نانا...نەوتە...
نا کاکە نا غازە...یا حیزبە...
یا کارەبایە...
یا موەلیدەی بێ موالیدە...
رەنگە بەرپرسان بن...یا چاوچنۆکی خۆمان بێت...
لەوانەیە مەلاعەلی کەلەک بێ...
یا دەستی دەرەکی و پیلان و پلانی فڵانە لایەن و قاچی سەرەکی و ھین و دەستی دەرەکی و فیتنەی ناوەخۆیە عەیب نەبێ پەرژینێکی قایم بەرووتان.
بۆی ھەیە هۆکارەکە موچە بێ...یا بودجە بێ...نا پاشەکەوتە…نا رەنگە خەتای نازمە شێت یا مەلکۆ سورچی بێت…لەوانەشە هۆکارەکەی شەفافیەت و لەفافیەت بێ...
بێویژدانی لەولا بوەستێ...باسی ئەخلاق و مۆراڵ مەکە...کێ بەکێیە...باژۆ دەشتە…نا نا ئۆباڵی هەمووی لە ملی شێخ پەشمەدینی کەشکۆڵە…!!!
یەکێکیش وەک بڵێی ھەنگوێنی لەناو کونی دارەگوێزدا دۆزیبێتەوە، بەچاوی خەواڵوو و دەموچاوێکی عەبوسەوە ھاواری کرد:
نەخێر ئۆباڵی ھەمووی پارتی و ئەم پەرلەمان و عکوومەتە نگبەتەیە!
وەرن با بچین پێش پەرلەمان و بینایەی عکومەت جنێو بە.........بدەین...وەرن با بەردیان تێبگرین…ئێ بەڵکو دەرگای خێرو بێرو خێراتمان بەروودا بکرێتەوە…!!!
وەڵام بدەوه