خووی عینادی و ئەنانیەتی سیاسیەکانی هەرەمی دەسەڵاتی یەکێتی تادێ دۆخی هەرێمی کوردستان بەرەو نادیارو فەزای نامتمانەییەوە دەبات.
ئەو فەزاسیاسیە ژەهراویەی سەرکردەباڵاکانی یەکێتی خولقاندوویانە تا دێ کاریگەریە خراپەکانی بەسەر بارودۆخی سیاسی و کۆمەڵایەتی و ئاستی متمانەی هاوڵاتیان بەگشتی و پارێزگای سلێمانی بەگشتی دەردەکەوێت.
سەرکردەکانی ئێستای یەکێتی نەک دۆخی یەکێتیان نەگەڕاندەوە بۆ سەردەمی رەحمەتی مام جەلال، بەڵکو رۆژ بەرۆژیش زیاتر لە درووشم و پایەم و رۆحیەت و نەفەسی مام جەلال و یەکێتیەکەی سەردەمی ئەو، دوور دەکەونەوەو لە جەماوەر و کۆمەڵگا دادەبڕێن و مەفهومی سازان و پێکەوەژیان و ئارامی سیاسی پوچەڵ دەکەنەوە.
پرسیارەکە ئەمەیە:
بۆچی یەکێتیە رەسەنەکان و دڵسۆزان و هاوڕێ و هاوسەنگەرە ڕاستەقینە شۆڕشگێڕەکانی مام جەلال لەم دۆخەی سەرکردایەتیە تەسکبینەکەی ئێستا بەسەر یەکێتیدا هێناویەتی بێدەنگن؟
بۆچی دڵسۆزانی یەکێتی و خەمخۆرانی یەکڕیزی و مام جەلال کەوتوونەتە پەراوێزەوەو دەنگی ناڕەزایەتی و نیگەرانی لە دۆخی یەکێتی و شێوازی ئیدارەدانی حزب و بەشداری کردن لە حکومەت و ئیدارەکردنی پارێزگای سلێمانی هەڵنابڕن و ناهێنە مەیدان؟
بۆچی یەکێتیەنیشتیمان پەروەرە پاکەکان سنوورێک بۆ ئەم هەموو ملهوڕیەی سەرکردایەتی دانانێن و قەبوڵی ئەوەدەکەن رابردوو و مێژووی خەبات و تێکۆشانی ئەوانیش بخرێتە ژێر پرسیارەوە؟
ئەو شێوازە مامەڵەکردنەی سەرکردایەتی یەکێتی لەگەڵ حکومەتی هەرێم و شاری سلێمانی بەگشتی و تەنگ پێ هەڵچنینی خانەنشین و سەرمایەدارو هاوڵاتیانی ئەم پارێزگایە بە تایبەتی، بۆ واناکات دلسۆزانی ڕاستەقینەی پەراوێزخراوی یەکێتی بێنەدەنگ و بێدەنگی بشکێنن و دەنگی نارەزایەتی هەڵبڕن؟
گەر ئەندام و هەواداران و بنکە جەماوەریەکەی یەکێتی بە تەنگ هەرێمی کوردستان و هاونیشتیمانیان و ئاییندەی یەکێتی و شکۆیەوەن، حەقە چیتر ئەو دۆخە نەخوازراوە ناخۆشەی سەرانی یەکێتی بەسەر حزب و پارێزگای سلێمانیدا هیناویانە، قەبوڵ نەکەن و سنوورێک بۆ ئەم جۆرە مامەڵە و رەفتارە مافیائاسایەی سەرانی ئێستای یەکێتی دابنێن و بەرژوەندی باڵای گەل بخەنە سەرووی بەرژەوەندی تەسکی گرووپێکی عینادو سەرڕۆی تەسکبینی هەرەمی دەسەڵاتی یەکێتیەوەو دووبارە متمانەی گەل بەدەست بهێننەوە.
وەڵام بدەوه