وەک دوا بزمار لە تابۆتی ئەو بڕە هارمۆنیاو جوانیەی لە هەرێم لە نێوان چینوتوێژە جیاوازەکاندا بەدی دەکرێ، هەوڵ ئەدرێ مامۆستایانی ئایینیش بخزێنە نێو مەکینەی ناشرین کردن و ململانێ سیاسیەکانی هەرێم و شکاندن و سوکایەتی کردن بە رەمزو سیمبولە حکومی، نیشتیمانی و نەتەوەییەکانەوە.
مامۆستایانی ئایینی لە دێرزەمانەوە نمونەی هەرە جوانی رەوشت و پێشەوایانی ئایینی و پێکەوەژیان و چاکەی گشتی و نیشتیمانپەروەری و لویکەی ئەخلاق و پێکەوەژیان و رێپیشاندەر بوونە.
رۆڵی مامۆستایانی ئایینی بە درێژایی مێژووی بزوتنەوەی رزگاریخوازی کورد هەمیشە بەرزنرخێندراوەو هەرگیز هەوڵ نەدراوە لە ململانێ سیاسیەکاندا بگڵێندرێن و بۆ خراپەکاری و مەرامە گڵاوە سیاسیەکانەوە بەکار بهێندرێن.
جێگەی داخە کۆمەڵە کەسانێکی مۆراڵ رووخاو و لە جوانی کەوتوو بۆ چەند مەرامێکی بێ نرخ و دەست خستنی چەند دەسکەوتێکی کەمو هیچەوە، مامۆستایانی ئایینی بەکار دەهێنن و دەیانکەن بە ئامرازی زیاتر ناشرین کردنی هەرێم و نانەوەی ئاژاوەو گێرەشێوێنی و فەوزای کۆمەڵایەتیەوە.
دەکرێ ئەم هەوڵە نەزۆکە وەک دوابزمار لە تابوتی ناشرین کردنی هەرێم و ئاژاوەگێڕی و نانەوەی فەوزای کۆمەڵایەتی و بێ نرخ کردنی گشت بەهایەکی ئایینی و عورف و نەریتی کۆمەڵایەتی و ئایینیەوە لەقەڵەم بدرێت.
بەڕاستی جێگەی داخە مۆرالی هەندێ مرۆڤی چاوتەنگ و نەخۆش تا ئەو ئاستە نزمە دابەزێ و کار بگات بەوەی سڵ لە هیچ کردارێکی خراپ و خراپەکاریەک لە پێناو مەرام و ئامانجە بەرتەسکەکانیان نەکەنەوە و دوورلە هەموو بەرپرسیارەتیەکی ئەخلاقی و نیشتیمانیەوە ئەسپی گێرەشێوێنی خۆیان تاو بدەن.
وەڵام بدەوه