حکومەتی هەرێمی کوردستان هەڵقوڵاوی ناخی کۆمەڵگاو دەسکەوتی زیاتر لە نیوسەدە خەبات و تێکۆشان و بەرهەمی دەریایەک خوێنی شەهیدانی رێگەی رزگاری و ئازادیە.
حکومەتی هەرێمی کوردستان مۆرکی کوردستانێکی ئازادە، ئازاد لە تەوق و زنجیری دیلی و سەرکزی و بەرکرێگیراوی. سەربەست لە پاشاگەردانی و خۆبەکەمزانین و دوور لە ئەلقە لە گوێی و خۆبەدەستەوەدان.
حکومەتی هەرێمی کوردستان هێمای یەکگرتوویی نەتەوەیی و شوناسی کوردستانێکی ئازادو دابڕاوە لە پرۆکسێ بوون و سەربەخۆیە لە رووی هێزوتواناوەو پشت ئەستوورە بە هێزوبازووی گەلەوە.
حکومەتی هەرێمی کوردستان ئایکۆنی نوێنەرایەتی کردنی سەرجەم چینوتوێژەکانی گەلە و یەکەیەکی دەستەجەمعی ئیداری و نمونەی جوانی پێکەوە کارکردن و هەرەوەزی کاری سیاسی کوردستانیانە.
ئەشێ سەرکەوتنی کورد لە هەڵبژاردنی ئەنجومەنی پارێزگاکان بکرێ بە بناغەی پتەوکردنی زیاتری یەکڕیزی کورد لە ناوەخۆی هەرێمدا .
یەکڕیزی کورد لەم دۆخەی ناوچەکە پێیدا تێدەپەڕێ، زامنی یەکپارچەیی هەرێم و مسۆگەرکردنی داهاتوویەکی پرشنگدارو کەم کێشەترە لە پرۆسەی دانوستانەکانی هەرێم لەگەڵ حکومەتی ئیتیحادی و یەکلایی کردنەوەی سەرجەم کێشەو ناکۆکیەکان پەیوەست بە خەرج کردنی بودجەو شایستەداراییەکانی هەرێم.
وەڵام بدەوه