سیمای شاری هەولێر بە بەراورد بە سەرەتای ساڵانی نەوەد، خاڵی وەرچەرخان و بەڵگە و سەنگی مەحەکی شارێکی خزمەتکراوە.
سیمای پایتەختی هەرێمی کوردستان، سیمای شارێکی مۆدێرن و خزنەتکراوە.
بە و پێیەی لە پشتەوەی هەر شەقامێکی قیرتاوکراو، کۆڵان و لاکۆڵانێکی رێکخراو، بینایە زەبەلاحەکان، پارک و حەدیقە جوان و رازاوەکان، سەنتەرەکانی بازرگانی، ناوەندەکانی گەشتوگوزارو کات بەسەربردن و مانەوە، کەرتەکانی گەشتیاری و فرینگەیەکی پێشکەوتووی نێودەوڵەتی و…هتد، دەیان پلان و نەخشەو ماندووبوون و شەونخونی دەبینرێ.
لەکاتێکا هەولێر چەندین قۆناغی ستراتیژی و ئاوەدان کردنەوەی بڕیوەو هێشتاش بەردەوامە لەسەر ئەو رێچکەیەی گرتوویەتەبەر، دەبینین شارەکانی پارێزگای سلێمانی و تەنانەت شاری سلێمانی خۆشی، لە رووی خزمەتگوزاری و ئاوەدانیەوە لە لایەن ئیدارەی شارەوە تەواو پشت گوێ خراوەو رۆژبەرۆژیش هێماو نیشانەکانی پاشاگەردانی و وێرانکاری ستراکتۆری سەرەوژێر کراوی شار بە ئاشکرا دەردەکەون و ناشاردرێنەوە.
لە کاتێکا هەولێر بووە بە نمونەی هەرەجوانی پێشکەوتن و ئاوەدانی و ئایکۆنی مۆدێرنیتە، لە شاری سلێمانی دەمانچە لە لایەن کوێخاو فەرماندە سەربازیەکان و ئیدارەی شارەوە دابەشی سەر کەسانی دڵسۆز بە رەوتێکی سیاسی دیاریکراوەوە دەکرێ و کەس مێش میوانی نیە.
ئەم دۆخە هەژمونگەرایە وایکردووە لە جیاتی ئەوەی دەستی ئاوەدانی بگات بە هەموو کونج و کەلەبەرێکی شارو ناحیەو قەزاو گوندەکانەوە ، کەچی زۆر بێ بەزەییانە و دوورلە گشت پرەنسیپێکی ئینسان دۆستانەوە، دەرمان بۆ نەخۆشخانەکان دابین ناکرێ و بە تەن خۆڵ و خاشاک دەرخواردی دانیشتوانی پارێزگا دەدرێت و خەڵکی بەساڵا چووی خانەنشین کراوی داماوی بێ موچەش، لە سەرەکانی موچەی بەردەم بانکە پارە براوەکان و ئیدارەی بێویژدانی شارەوە گیان دەسپێرن و هیچ بەنی ئادەمێکی خاوەن ویژدانیش خۆی لەم دۆخە دڵتەزێنەوە ناکا بە خاوەن و هەنگاو بەرەو چارەسەرەوە نانێت…!!!
وەڵام بدەوه