رەنگە هەڵبژاردنە گشتیەکانی ئەمجارەی کوردستان نەخشەی سیاسی هەرێم بە تەواوەتی بگۆڕێ و هێزو لایەنە سیاسیەکان قەوارەی ڕاستەقینەیان دەربکەوێ.
هەڵبژاردن وەک ئامرازو چەمکێکی بەهێزی یەکلایی کردنەوەی ململانێ سیاسیەکان لە وڵاتانی پێشکەوتوو و پێگەیشتوو، تەنیا رێگەچارەی بەلادادانی کێشمەکێش و ململانێکانە.
بەلەبەر چاوگرتنی ئەو دۆخە هەستیارەی عێراق بە گشتی و هەرێمی کوردستان بە تایبەتی پێیدا تێپەڕ دەبێ، ئەنجامدانی هەڵبژاردنەکان لە هەرێم ئەشێ زۆر پرس و بابەتی هەستیار و تایبەت بە دوارۆژی موزائیکی سیاسی و جۆرو چۆنیەتی پێکهێنانی حکومەت یەکلا بکاتەوە.
گومانی تێدانیە ئەو هاشوهوشی مێدیای یەکێتی و بەرپرسانی ئەم حزبە لە پاڵ ئەو دۆخە پڕ لە مەینەتیەی بۆ موچەخۆران و خانە نشینانی پارێزگای سلێمانی دروستیان کردووە، تەنیا یەک ئامانجی شاراوەی لە پشتە.
ئامانجەکەش جێ بەجێ کردنی ئەجیندای دەرەکی و دواخستنی هەڵبژاردنەکان و هێنانە ئارای دۆخێکە هاونیشتیمانیان بە گژ حکومەت و پارتیدا بچنەوەو دواتر ئۆباڵی تێکچوونی دۆخەکەش بخەنە ئەستۆی پارتیەوە و خۆیان لە گشت بەرپرسیارەتیەک داماڵن.
وەڵام بدەوه