یەکێک لە دیاردە هەرە قێزەوەن و ناشرینەکانی دۆخی ئێستای کۆمەڵگای کوردی، هەوڵدانی کەسانێکی هەلپەرەستە بۆ جوان کردنی خۆیان لە رێگەی ناشرین کردنی حکومەتەوە.
ئەم جۆرە لە هەلپەرەستانە هەموو جوانی خۆیان و پرۆژەو ئەجیندا شاراوەکانی خۆیان لە وەدا ئەدۆزنەوە، بەردەوامبن لەسەر نەهج و رێچکەی جنێودان و سووکایەیی و گەورەکردنی کەموکورتیەکانی حکومەت و دامودەزگا یاساییەکانیەوە.
زیاد لەمەش ئەجیندایەکی تریشیان هەیە. ئەمان لە پێناوی پارەکۆکردنەوەو ڕاوەدەنگ و رووتاندنەوەی گیرفانی خەڵکانی تووڕەو ساویلکەو سادەوە، بەردەوام خەون بەوەوە دەبینن چۆن دژایەتی حکومەت بکەن و لەم پێناوەشدا دەست و زمان لە هیچ وشەوکردارو تۆمەت بەشینەوەیەک ناپارێزن.
ئەم جۆرە کەسانە هیچ بەرپرسیارەتیەکی ئەخلاقی و ئایینی و کۆمەڵایەتی و ئارمانجێکی واڵای نیشتیمانی لە خۆیاندا شک نابەن و نیانەو خۆیان لە گشت بەرپرسیارەتیەک داماڵیوە.
ئەمان بەختەوەری و رەزامەندی خۆیان لە هێرش کردنە سەر دەسەڵاتی کوردی و حکومەت و دژایەتی موسەساتە شەرعیەکانیدا دەبیننەوەو باکیان بە وە نیە دەبنە هۆکاری ئاڵۆزی و نانەوەی پشێوی کۆمەڵایەتی و تێکدانی ڕیزەکان کۆمەڵگاو هارمۆنیای ژیانەوە.
وەڵام بدەوه