راگەیەندراوی پەرلەمانی عێراق بەوەی هیچ دەزگایەکی هەواڵگری ئیسرائیلی لە کاتی هێرشە موشەکیەکەی سەر هەولێر لە ماڵەکەی شێخ بازدا بوونی نەبووە، گشت گومان و تۆمەتە ئاراستەکراوەکانی هەرێمی پوچەڵ کردنەوە.
لە ماوەکانی رابردوودا موشەک باران کردنی هەولێر لە لایەن ئێرانەوە بە بیانووی بوونی پیاوانی دەزگای هەواڵگری ئیسرائیلی لە ماڵەکەی شێخ باز، یەکێک بوو لە نیشانەکانی ئەگەری پەرەسەندنی چەندین گریمانەی ترسناک لەسەر خاکی کوردستاندا.
مێژوو و ئەزمون و واقعی ساڵانی رابردوو سەلماندوویانە هەرێم هەمیشە بە تەنگ دروست کردنی پەیوەندی باش و هاوسەنگ و ئاشتیخوازانەدا بووە لەگەڵ دەرودراوسێکانیدا و هەرێمی کوردستان هیچ پلان و ئەجیندایەکی شاراوەی نەبووە دژبە وڵاتانی درواسێیەوە.
بۆیەش هێرشی موشەکی ئێران بۆ سەر ماڵی شێخ باز بە بیانووی بوونی موسادی ئیسرائیلی لە ماڵەکەدا، دەسەڵاتی کوردی و هاوڵاتیانی هەرێمی کوردستانی شۆک کرد و ترس و دڵەراوکێی خستە ناو دڵی دانیشتوانی هەولێرەوە.
حکومەتی هەرێمیش داوای لە پەرلەمانی عێراق کرد بۆ دەرخستنی ڕاستیەکان و حەقیقەتی ئەو تۆمەتەی ئاراستەی هەرێم کراوە لێژنەیەک بۆ بەدواداچوونی رووداوەکەو هۆکارو دەرەنجامەکانیەوە رەوانەی هەرێم بکات.
خۆشبەختابە لێژنەکە دوای لێکۆڵینەوەو بەدواداچوونی رووداوەکەو بەدواداچوونێکی چڕوپڕو مەیدانیەوە گەیشتە دەرەنجامی ئەوەی ئەو تۆمەتانەی لە لایەن دەسەڵاتدارانی ئێرانەوە ئاراستەی هەرێم کراون، هیچ بنەمایەکیان نەبووەو نیە و سەرلەبەری تۆمەتەکان دوورن لە ڕاستیەوەو لە ماڵەکەی شێخ بازدا هیچ کۆبوونەوەیەکی لەمجۆرە بە ئامادەبوونی موسادی ئیسرائیلی نەکراوە .
وەڵام بدەوه