ھێزا عەقلی و شکاندنا ئیسرائیلێ!
عەقل فەرمانێ ب لەشی دکەت، لەش ئامرازە دەستێ عەقلی دا، ھەر تشتێ عەقلی دڤێت لەش بتنێ پراکتیزادکەت، ئەوا عەقلی ژی کونترول دکەت ھزرو بیرێن مرۆڤینە، کا مرۆڤ چاوا ھزر دکەت باوەریێ دئینیت عەقل وەسا فەرمانا دکەت، گەر ھزرێن تەگوت فلان تشتی نەشێم بکەم عەقل دێ فەرمانێ لەشی کەت کوتو نەشێی فلان تشتی بکەی،ئێدی لەش ژی دێ تەسلیم بیت کو نەشێت وی تشتی بکەت گەر چەند ئەو تشتە ساناھی ژی بیت، بەروڤاژی ژی گەر ھزرو بیرێن تە باوەری ئینا کودشێت فلان تشتی بکەت ئێدی عەقل دێ فەرمانێ لەشی کەت فلان تشتی بکە لەش ژی دێ کەت گەر چەند زەحمەت بیت. ئەڤجا تۆچاوان ھزربکەی ئەو دێ ھێتە رێکاتە.گەر تەگوت ترسم ئێدی دێ ترسی!
لاوازترین خالا مرۆڤان ترسە، گەر مرۆڤی ترس ل تشتەکێ ھەبیت ئێدی تمامی دێ دەستبەرداری خۆبیت بەرامبەر وی تشتی، سایکۆلۆژیا مرۆڤی وەھایە نکاریت سەر ترسێ زاڵ بیت، دەما بێژن فلان کەس بھێزە کەس نکاریتێ، ئێدی سایکۆلۆژیا خۆدا وەھا نەخشاندیە کو ئەو کەسە ناھێتە شکاندن لەوما تەسلیم بوون وی کەسی باشترین چارەسەرییە.
جەنگیزخان ئیمبراتورێ مەغولییا دگوتە لەشکەرێ خۆ رەحمێ بکەسێ نەبەن، ھەرکەسێ دەست ھەوە کەفت ب درەندترین شێوە بکۆژن، چونکە بتنێ ترسێ دێ دەسھەلاتا خۆ ل سەر دۆنیایێ سەپینین. ئێدی ترسا جەنگیزخانی سەرانسەری دونیایێ پارڤە بوو، لەشکەرێ مەغولییا بۆ ھەر جھێ چبوون ئەو جھە ب ساناھی تەسلیم دبوو. ل وی دەمیدا لەشکەرەکێ مەغولییان چو وڵاتێ نھا دبێژنێ ئازربایجان بێ ھیچ ئامیرەکێ شەری، لەشکەرەکێ ئازربایجانێ ببارمەتە گرت، لێ سەحکرێ چ تشت ڤێ نینن پێ بکوژیت، گوتە وی لەشکەری سەرێ خۆل سەر ڤی بەری دانە و نەراکەی ھەیا دچم و دھێمەڤە، ئەو لەشکەرێ مەغوولی ماوەیەکی زۆر چوو تا شەمشیرەک دیتی و زڤریڤە دیت ھێشتا ئەو لەشکەرێ ئازربایجانێ سەرێ وی سەر بەرییە، چونکە ئەوی لەشکەری ترسێ تمامی عەقلێ وی کونترولکربوو جورئەت نەدکر گوتنا لەشکەرێ مەغوولی بشکێنیت ئەگەر چ ل وێرێ ژی نەبیت، ترس بۆ ئەگەرێ لێدانا سەرێ وی نە ھێزا لەشکەرێ مەغوولی!
ئیسرائیلی گەلەک قەبارێ خۆدا مەزنتر ل نێرینا مرۆڤادا ھاتبوونە نیشاندان، چ جاران نەدھاتە ھزرا کەسێ کو جارەکێ دێ سیستەمێ بەرگریێ یێ ئیسرائیلێ ھێتە شکاندن، چونکە مەھەمیا وەسا ھزردکر کو ھێزا ئیسرائیلیان سەر ھێزا مرۆڤان دایە چ جاران ناھێنە شکاندن، لێ مەژبیرکربوو کو ئیسرائیلی ھەر وەکو مە مرۆڤن کو مرۆڤ ژی ھەر بدەستێ مرۆڤان دھێتە شکاندن، لێ ئەوا مرۆڤی جودا دکەت دگەل مرۆڤێ دن تنێ ئیرادا وییە، لەوما بۆ جارا ئێکێ دیرۆکا دروستبوونا وڵاتێ ئیسرائیلێدا گروپەکێ ناڤێ حەماسێ شیان سیستەمێ بەرگرییا ئیسرائیلێ بشکێنن، مەزنترن گورزێ خوە لێ بوەشینن! ئێدی ئیرادە بۆ مرۆڤێن دن ژی دروستبوو کۆ بەڵێ ئیسرائیلی ژی دھێنە شکاندن گەر چەند بھێزبن، لێ ئەوا وان جودادکەت وان یا بریاردای کۆ بھێز بن و مەیا بریاردای ئەم بێ ھێزبین و ئەو ژمە بھێزترن، و ھێزا وان سەر ھێزا مرۆڤان دایە.
گەلەک جارا بێژن ھێزا فلان کەسی تەمەت ھێزا سەد کەسانە کەس نەشێت پشتاوی لعەردی بدەت، لێ راستی دا ھێزاوی ژی ھەر تەمەت ھێزا مرۆڤەکێ یە لێ ئەو ھزرێن مە باوەرییا بۆ عەقلێمە دروستکری کو ھێزا وی گەلەکە، لەوما عەقلێ مەژی یا گوتیە لەشێ مە تە ھێزا وی نینە، ھێزا لەشێ مەژی ئۆتۆماتیکی تەسلیم دبیت. دەما دبێژن فلان کەس ھەمی تشتا زانیت، ئێدی گەر ئەو کەسە ھەر تشتێ بێژیت ب راست دھێتە قەلامدان ئەگەر چەندێ شاش ژی بیت، چونکە ھزرا مرۆڤی گوتیە عەقلێ مرۆڤی ئەڤ کەسە ھەمی تشتا زانیت، ئێدی گوھێ مرۆڤی کۆ ئامرازێ گوھلێبوونێ یە گوھ نادەتێ کا ئەو کەسە راست بێژیت یان نە بەڵکو تنێ ئۆپشونێ راست و دروستیێ بۆ وی ھەیە تمامی ئۆپشونێ شاشیێ بۆ وی کەسی لادایە گەر چەندێ شاش بیت دێ گوتنا وی راست قەلەم دەت ل سەر حسابا گوتنا خۆ وھەمی گوتنێن دن یێن ڕاست. لەوما گەر عەقلێ خۆ کونترول بکەی دێ شێی ھەرتشتێ تەدڤێت کونترولبکەی و دەستڤەبینی چونکە چ ھێز سەر ھێزا عەقلی ناکەڤن.
#HogirNerwayi
وەڵام بدەوه