کورد ل شەرێ حەماس و ئیسرائیلێ دا دگەل کێ بیت و مفای ژ چتشتی وەربگریت؟
ئەگەر جیھان ھەمی تەڤلی شەڕێ نھا بیت کورد نابە تەڤلی ڤی شەڕی بە، بەلکو دڤێت مفای ژ دەمێ نھا وەربگریت خۆ ئامادەبکەت بۆ قوناغا پشتی شەڕی. کورد و ھەرێما کوردستانێ نھا ل شەرێ حەماس و ئیسرائیلێ دڤێت خۆ کەرو و لال و کورە بکەن، ھەر وەکی چو تشتا نابینن و چ دەنگان نا بھیستن و چ گوتنان نابێژن، وەھا خۆیابکەت کو ئەڤ شەرە چ پەیوەندییەک بکوردان ڤە نینە لایەنگری ھیچ لایەکێ نابن ب تمامی لایەنگرێن ئاشتیێ نە. نەئیسرائیلێ پێتڤیا وان بپشتەڤانیا کوردان ھەیە چونکو کوردان نە دۆرن نە چەکێ گران و پێشکەفتی ھەیە بۆ ھندێ پشتەڤانیا ئیسرائیلێ پێ بکەت، نە حەماسا فەلەستینێ پێتڤیا وان ب لاڤایێن کوردان ھەیە چونکو نە شەرێ ئولییە بەلکو شەڕێ نەتەوەی و ئاخێ یە، ھەڤەدەم ب لاڤان کەس شەران دا سەرناکەڤیت بەڵکو خۆ ئامادەکرنێ کا چەند ئامادەیە سەردکەڤیت.
دەما سەدام ھێرشی کوێتێ کری و داگیرکری، پاشان دەولەتێن ھەڤپەیمان گورزەکا مەزن ل ھێزێن سەدام دا ب تمامی ئیفلیج کرن، ھێزێن ئیفلیچ کری یێن سەدامی ب ناچاری ل کوێتێ پاشڤە زڤرین، لێ لاوازابوونا ھێزێن سەدامی نەبوو سەدەم کو ھێرشی کوردان نەکەت، ب وێ ھێزا ئیفلیج کری سەدامی ھێرشی کوردان کر، ب بێ رەحمانە جارەکا دن کورد سەرکوت کرنەڤە، ھەر کوردەک بدەست وان کەفتبا ژنادڤبر، ھەیا رەحم ب زارویێن ساڤا یێن لاندکان دا ژی نەبر، ھەر سەربازەکێ سەدام رکابەری سەر ھندێ دکر کیش ژوان دێ زێدەتر کوردان کۆژیت چونکو ھەر کێ ژوان زێدەتر کورد کوشتبانە ب بەلگە و ڤیدیوو بۆ سەدام بربانە پاداشتێ وی مەزنتر و زێدەتر بوو! نھا ژی ھەر تەڤلی ھەڤبوونەک گەل شەڕی کو پارتێن ئیسلامی بانگەوازا جیھادێ دکەن دێب گرانی سەر کوردان کەڤیت ژلایێ ھەردوو ئالییان ڤە. کورد لایەنگرێ ھەر ئالییەکێ بن ئالییێ دن دێب گرانی سەر حساب بکەت، ئالییێ کوردان لایەنگریژی بۆ کری دێ بێدەنگ و مات بیت دەما ھێرش دھێنە سەر کوردان!
لەوما شەرێ نھا یێ حەماسێ و ئیسرائیلێ دەرفەتەک بۆ کوردان ھاتیە پێش کو خۆ ئامادەکەت بۆ قوناغا پشتی شەڕی، چونکە نھا ھیچ فوکسێک ل سەر کوردان نینە ھەمی فوکسا نەیارێن کوردان نھا لسەر فەلەستین و ئیسرائیل راوستیایە، کورد دڤێت مفای ژ دەمێ نھا وەربگریت خۆ ئامادەکەت بۆ قوناغا پشتی شەرێ حەماس و ئیسرائیل، کا چاوان دێ بەرسینگێ وان ئاستەنگێن پشتی شەڕی بیت چونکە ھەردەما شەڕێ نھا داوی ھات جارەکادی نەیارێن کوردان دێ فوکسا خۆ دانە سەر کوردان کوسپ و بەربەستان بۆ دروست کەت، لەوما باشترین دەرفەتە کو کورد خۆ رێکبێخیت و خۆب باشترین شێوە بۆ قوناغا پشتی شەڕی ئامادەبکەت. گۆمان نینە قوناغا پشتی شەرێ نھا بو کوردان گرنگە نە قوناغا شەری کۆ چ پەیوەندی ب کوردان ڤە نینە.
ئەوێن بانگەوازییا جیھادێ دکەن تنێ مەرەما وان ئەوە ھەرێما
کوردستانێ ژی تەڤلی ڤی شەری بکەن، ئاگرێ شەری بەربیتە کوردستانێ، گەر چ ژوان ئامادەنینن بچنە جیھادێ، بتنێ ھاتینە ئاراستەکرن کو بانگەوازێ بکەن بۆ ھندێ ھەرێما کوردستانێ تێکبدەن. دەڤەرا رۆژھەلاتا ناڤین پڕ ئالۆزترین و پڕ رکابەریترین دەڤەرە ل سەرانسەری جیھانێ ھەردەم دئالوزیان و نە سەقامگیریێ دایە، لەوما چونکو کورد بێ دەولەتن مەزنترین دەستکەفت و سەرکەفتن بو کوردان ئەوە ھەردەما شەرەک ل دەڤەرێ دروست بیت بتنێ نەھێلیت چریسکێن شەری بگەھنە ھەرێمێ و تمامی خۆل شەری بپارێزیت بۆ ھەمی ئالیەکێ خۆیابکەت کۆ بتمامی بێلایەنن ھیچ پەیوەندی ب شەرێ وان ڤە نینە و ناخازیت شەڕ ھەبە.
#HogirNerwayi
وەڵام بدەوه