نەحەزێن کوردان سیاسەتا بریسکرنێ بکاردئینن ل جھێ چەکی!
دەما مرۆڤ برسی بیت ئیرادا خۆ ژدەست دەت، دەما ئیرادە ژ دەست دا دێ ھەر تشتی سەر خۆ قەبیل کەت تنێ بۆ ھندێ برسی نەمینیت! بدرێژاییا دیرۆکێ تانھا تەڤ نەیارو داگیرکارێن کوردستانێ سیاسەتا برسیکرنێ بەرامبەر کوردان بکاردئینن بۆ ھندێ ئیرادا وان بشکێنن! ل دەما داگیرکرنا عیراقێ ھەڤپەیمانان سزا و ئابلوقە دانا سەر عیراقا سەدام، سەدام ژی ئەو ئابلوقە دووجاران لـسەر باکورێ عیراقێ ئانکو باشورێ کوردستانێ دانان کو نەھێلا ئێک ئارزوقە بۆ کوردان بھێت، بۆ سەدەمێ خەلا و برسیبوونەکا زۆر ناڤ کوردان. بۆ ھندێ کورد ئیرادا خۆ ژدەست بدەن و نەژادێ خوە ون بکەن بکولاتیا وی رازیبن!
تەڤ نەیارێن کوردان ب چەکی ھەولدایە رەگەزێ کوردان ژناڤ ببەن، داوی ب ھندێ بینن کو کورد ھەست بھەبوونا خۆ بکەن کو ئەو جودانە ژوان بۆ ھندێ کورد لسەر وڵاتێ خو ببنە کولێن وان و خزمەتا ئەجێندایا وان بکەن! لێ دەما چەکی نەشیا ئارمانجا نەحەزێن کوردان بینتە دی، نەحەزێن کوردان سیاسەتا بریسکرنێ بکارئینا جھێ چەکێ!
کو نھاژی عیراقا بناڤ فیدرال ھەمان سیاسەتا رژێمێن بەرییا خۆ بکاردئینن کو سیاسەتا برسیکرنا کوردانە! پشتی تورکیا راگەھاندی کو ئێدی بورییا وان یا پێترولێ ئامادەیە پێترولا ھەرێما کوردستانێ ھەناردەی بازارێن جیھانێ بکەتەڤە، بناڤ پەرلەمانتارێن کوردان کو ئاراستەکرینە دھەمان تەوقیت دا دەست بخرڤەکرنا ئیمزایان کر کو موچێ فەرمانبەرێن ھەرێمێ ڕاستەوخۆ عیراق دابەشبکەت!
ئەڤ خرڤەکرنا ئیمزایان تنێ بۆ ھندێ یە دەسھەلاتێن ھەرێمێ کێم بکەن ھەمبەری بەغدا، کو ھەمی نەیارێن کوردان کو ھەردەم دژایەتییان مافێن کوردان دکەن پشتەڤانیا ڤێ یاسایێ دکەن چونکە دبەرژەوەندییا وان دایە، کو ھەمی پێکولێن وان ئەون ئەڤ تاکە کیانێ یاسایی یێ کوردان بێ دەسھەلات بکەن کوردان ب تمامی ل ھەر جھەکێ بن بێ ئۆمێد بکەن، گەر نە ئەوێن ئەڤرو پشتەڤانیا وێ یاسایێ دکەن کۆ بەغدا مووچێ فەرمانبەرێن ھەرێمێ بدەن ھەر ئەون یێن موچێ فەرمانبەرێن ھەرێمێ قوتکری! چجاران ئەو ناخازن مافان بکوردان بدەن لێ چونکە ئەڤە بەرژەوەندییا وان دایە ھەمی شیان دێ پشتەڤانیێ کەن!
یا سەیر ئەوە ھێشتا ھندەک کورد ھەبن باوەری ب گوتگوتکێن وان ھەبن ئیمزاییان بۆ وان خرڤەکەن! لێ کاچاوا کوردان ھەستێ شۆرشگیریێ سەرخەبوونێ خوینا وان دایە، ھند کورد ھەنە ھەستێ کولاتیێ و بن دەستیێ خوینا وان دایە، ھەردەم دخازن خزمەتکار و خولامێن وان بن، سروشتێ کولان وەھایە گەر ئازادبکەی ھەست بھەبوونا خوە ناکەت چونکە ئازادی بۆ وان مرن و بن دەستی یە، ئەو ھەر فێربووینە و ھاتینە پەروەردەکرن کولە و بن دەست بن، ژیان بۆ وان ئانکو کولاتی و خولامەتیا خەلکێ دن!
#HogirNerwayi
وەڵام بدەوه