ئەگەر بڕیارە کورد کوردستانیبوونی دەیان جارەی ناوچە دابڕێنراوە کوردستانیەکان بسەلمێنێ، باهەوڵی پێکهێنانی لیستێکی هاوبەش بدات و ناکۆکیەکان، لانی کەم بۆ ماوەیەک، بخاتە لاوە.
پەرتەوازەیی کورد لە ناوچە کوردستانیەکانی دەرەوەی هەرێم، نەک زیانی بۆ خودی حزبەکان، بگرە زیانی بۆ کوردانی ئەم شوێنانەو شوناسی کوردستانیبوونی ئەم ناوچانە لێدەکەوێتەوەو دەرەنجامەکان دڵتەزێن دەبن.
دۆخی سەربازی، سیاسی و ئەمنی عێراق بە گشتی و ئەم ناوچە کوردنشینانە بە جۆرێکە، هەر پەرەسەندنێکی خێرا ئەگەر لە ئاستی رۆژهەڵاتی ناوین دەورووبەری روبدات، ڕاستەوخۆو ناڕاستەوخۆ کاریگەری بەسەر کۆی پاشهاتەکانی ناوچەکەوە دەبێ.
لە حاڵەتی هەر گۆڕانکاریەکیش دەرەنجامەکان قابیلی پێش بینی کردن نین و دواکەوتنی رووداوەکان و نائامادەیی ستراتیژێکی نەتەوەیی بۆ ئەم ناوچانە، دۆخی ئەم شوێنانە بە هەڵپەسێردراوی دەهێڵێتەوەو جڵەوو ئاڕاستەکەی لەدەست کورد دەردەهێنێ.
وەڵام بدەوه