بردنەوە یا نەبردنەوەی هەولێر لە قوەی جەویە، رووداوێکی سیاسی نا، بەڵکو رووداوێکی ئاسایی وەرزشی بوو.
دوور خستنەوەی سیاسەت و سیاسەتبازی لە یاریە سیاسیەکانی رووبەری سیاسەت لە دونیای وەرزش، حەقیقەتێکی حاشاهەڵنەگرو ڕاست و دروستە.
کۆمەڵگای کوردی و بە تایبەت هەندێ هێزی سیاسی دۆڕاوو بێ شوناسی زۆنی رەنگاڵە لە سلێمانی نەک هەر بەرگی سیاسەتیشیان بە بەر کۆمەڵگاو عەقڵیەتەکانەوە کردووە، بگرەو وەرزشیشیان کردووە بە ئامرازێک بۆ شکاندنی هەولێرو دانیشتوانەکەی.
دوێنێ زۆربەی ئەوانەی کۆمێنتیان بۆ یاریەکەی نێوان هەولێر و قوەی جەویە نووسیبوو، ئاواتەخواز بوون هەولێر بدۆڕێ!!
ئەم جۆرە لە دەربڕین و هەڵوێستە جێگەی داخە. سیاسەت لە سلێمانی وای کردووە خەڵکانێکی دانیشتووی ئەم دەڤەرە ڕق و قینێکی پەنگ خواردوو لە هەولێر هەڵبگرن تەنیا لەبەر ئەوەی پارتی لەوێ حوکم دەکات.
بە شەیتان نیشان دانی هەولێرو بە دێوەزمەکردنی هەولێریەکان و خۆ بە فریشتە ناساندن، نیشانەی داڕمانی مۆڕاڵ و مەترسیەکی گەورەیە لەسەر پێکەوەژیان و بە یەکگرتوویی مانەوەی هەرێم.
ئەم دۆخە ترسناکە و گەرەکە هیوا بخوازین کورد لەمە زیاتر دووچاری پەرتەوازەیی و دابەشکاری نەبێت و بۆ عەقڵ و مەنتیق و هۆشیاری بگەڕێتەوەو چیتر ماڵی خۆی بەدەستی خۆی وێران نەکات.
وەڵام بدەوه