ئێران مەرجی کۆتایی راگەیاند

​سەرچاوە سعودییەکان ئاشکرایان کردووە، کۆماری ئیسلامیی ئێران پاکستان لە ڕەتکردنەوەی دروستکردنی ڕێڕەوی نوێ لە گەرووی هورمز ئاگادار کردووەتەوە، هاوکات داوای کردووە دانوستانەکان بە هەنگاو بە هەنگاو و لە پرسی هورمزەوە دەست پێ بکەنەوە.
​ئەمڕۆ یەکشەممە، 26ـی 7ـی 2026، بەپێی زانیارییەکانی سەرچاوە سعودییەکان، تاران بە فەرمی بە ئیسلام ئابادی ڕاگەیاندووە کە ڕازی نییە بە دروستکردنی هەر ڕێڕەوێکی نوێی گواستنەوە یان دەریایی لە ناوچەی گەرووی هورمزدا.
​ئاماژەی بەوەش کراوە، لایەنی ئێرانی داوای کردووە کە پرۆسەی دەستپێکردنەوەی گفتوگۆکان بەپێی ڕیزبەندیی بابەتەکان بێت، بە شێوازێک کە سەرەتا دانوستانەکان لەسەر پرسی گەرووی هورمز ئەنجام بدرێن، دواتر گفتوگۆ لەسەر ئازادکردنی پارە سڕکراوەکانی ئێران بکرێت، لە قۆناغی کۆتاییشدا باس لە دۆسیەی ئەتۆمیی ئەو وڵاتە بکرێت.