ئێران دەستبەجێ ئەم شوێنە چۆڵی بکەن

ئێران هۆشداری دەداتە ئیمارات و ڕایدەگەیەنێت، ئەگەر ئەمریکا هێرش بکاتە سەر ژێرخانی وڵاتەکەی، دەبێت فڕۆکەخانە و بەندەرەکانی ئەو وڵاتە چۆڵ بکرێن.
بڵاوکراوەی فەرمی: سەرچاوەیەکی ئاگادار لە سوپای پاسدارانی ئێران، لە زاری بەرپرسێکی ئەمنییەوە هۆشدارییەکی توندی بڵاوکردەوە و ڕایگەیاند، ئەگەر ئەمشەو ئەمریکا هێرش بکاتە سەر ژێرخانی مەدەنیی ئێران، پێویستە دەستبەجێ فڕۆکەخانە و بەندەرە سەرەکییەکانی وڵاتی ئیمارات چۆڵ بکرێن.
 بەپێی زانیارییەکانی ئاژانسی هەواڵی فارس کە نزیکە لە سوپای پاسداران، ئەو بەرپرسە ئەمنی و سەربازییەی ئێران کە ناوی ئاشکرا نەکراوە، بە دیاریکراوی ئاماژەی بەوە کردووە کە بۆ پاراستنی گیانی هاووڵاتییان، دەبێت هەر یەک لە فڕۆکەخانەکانی دوبەی و ئەبوزەبی، لەگەڵ بەندەرەکانی فوجەیرە و جەبەل عەلی چۆڵ بکرێن.ئەم هۆشدارییەی تاران بۆ بەئامانجگرتنی ئیمارات لە کاتێکدایە کە پێشتر ئێران بە فەرمی ڕایگەیاندبوو، هەر هێرشێکی ئەمریکا بۆ سەر خاک و ژێرخانەکەی، وەڵامدانەوەیەکی توند و خێرای بەدوادا دێت و ناوچەکە دەگرێتەوە.