فڕۆکە مەترسیدارەکە جووڵەی کرد

فڕۆکە مەترسیدارەکە جووڵەی کرد. میدیاكان باس لەوە دەكەن كە فڕۆكەیەكی بۆمبهاوێژی زەبەلاحی ئەمەریكی بە ناوی (B1 Lancer) گەیشتووەتە بنكەی سەربازیی فیرفۆردی سەر بە هێزی ئاسمانیی بەریتانیا لە رۆژئاوای ئەو وڵاتە.
لەم دواییانە، ئەمەریکا بڕیاری دا بۆ هەندێک لە هێرشەکانیان  بنکە سەربازییەکانی بەریتانیا بەکار بهێنن، بۆ ئەم مەبەستە، ئەمڕۆ بۆمبهەڵگرێکی لە جۆری (B1 Lancer) گەیشتە بنكە سەربازیی فیرفۆرد.
ئەم جۆرە فڕۆكەیە، لە ساڵی 1986 چووەتە خزمەتی سەربازییەوە، خێراییەكەی لە سەرووی دەنگە، دەتوانێت بە هەر فڕینێك 12,000 كیلۆمەتر ببڕێت و لە ئاسماندا سووتەمەنی تێبكرێتەوە. هەروەها 34 تەن چەك و تەقەمەنی هەڵدەگرێت. دەشتوانێت لە بەرزییەكی كەمدا بفڕێت بۆ خۆدزینەوە لە ڕادار. تاقمێكی چوار كەسی هەڵدگرێت كە پێكدێن لە (فڕۆكەوان، یاریدەدەری فڕۆكەوان، ئەفسەری سیستەمی هێرشكردن و ئەفسەری سیستەمی بەرگری). پێشتر لە شەڕەكانی (ئەفغانستان، عێراق و ئۆپەراسیۆنەكانی رۆژهەڵاتی ناوەڕاست بەكار هێندراوە.
بنكەی سەربازیی فیرفۆردی ئاسمانی دەكەوێتە رۆژئاوای بەریتانیا، سەر بە هێزی ئاسمانیی شاهانەی بەریتانیایە، بەڵام زۆرجار لە لایەن هێزی ئاسمانیی ئەمەریكاوە بەكار دەهێندرێت و فڕۆكەكانی جۆری (B52، B1 lancer و B2) تێیدا دەنیشنەوە.