هێزەکانی سووریای دیموکرات: سوپای سووریا بە درۆن هێرشی کردووەتە سەرمان
هێزەکانی سووریای دیموکرات (هەسەدە)، ئەمڕۆ هەینی ڕای گەیاند، شەوی ڕابردوو لە گوندەكانی ڕۆژهەڵاتی حەلەب، ڕووبەڕووی هێرشێکی درۆنیی هێزەکانی حكوومەتی سووریا بوونەتەوە.
هەسەدە لە بەیاننامەیەکدا کە ناوەندی ڕاگەیاندنی بڵاوی کردووەتەوە ڕای گەیاندووە "درۆنەکە شەوی هەینی، گوندەکانی ئیمام و ئوم تینەی لە باکووری دێر حافر بۆردمان کردووە، هەروەها دەروازە نزیکەکەش بە چەکی قەناس کراوەتە ئامانج."
هەسەدە ڕوونی کردووەتەوە کە "بۆردمانەکە زیانی ماددیی بە موڵک و ماڵی هاووڵاتییانی مەدەنی و دەوروبەری شوێنە ئامانجگیراوەکان گەیاندووە، بەبێ ئەوەی هیچ زیانێکی گیانیی لێ بکەوێتەوە.
هەسەدە ئەم هێرشانەی بە پێشێلکارییەکی ئاشکرای سەقامگیریی ناوچەکە و هەڕەشەیەکی ڕاستەوخۆ بۆ سەر ئاسایشی هاووڵاتییانی مەدەنی ناوبردووە.
وەڵام بدەوه