میلیشیایەكی عێراقی هەڕەشەی توند لە ئەمریكییەكان دەكات
یه‌كێك له میلیشیا عێراقییه‌كانى نزیك له ئێران، هه‌ڕه‌شه‌ى توند له ئه‌مریكا و هاووڵاتییه ئه‌مریكی و سه‌رباز و دیپلۆماتكاره‌كان ده‌كات گه‌ر تره‌مپ بڕیارى به‌شداریكردن له شه‌ڕى نێوان ته‌هران و ته‌لئه‌بیب، بدات.
ئه‌كره‌م كه‌عبی، ئه‌مینداری گشتیی بزووتنه‌وه‌ى نوجه‌با، سه‌باره‌ت به شه‌ڕى نێوان ئیسرائیل و ئێران هه‌ڕه‌شه له ئه‌مریكا و دۆناڵد تره‌مپ ده‌كات و پێیده‌ڵێت، بۆ كه‌سێكی وه‌كو تۆ نییه هه‌ڕه‌شه له مه‌رجه‌عى باڵا (خامینه‌یی) بكات.
جه‌خت ده‌كاته‌وه، گه‌ر هه‌ر شتێك به‌سه‌ر عه‌لى خامینه‌یی، ڕابه‌رى باڵاى ئێران بێت، "تۆ و هاوپەیمانەکانت لە هەموو ناوچە ئیسلامیەکەماندا لەژێر ئاگری ئێمەدا دەبن، ئه‌وكات نه سه‌رباز و نه دیپلۆماتكارانتان ڕزگاریان نابێت"
ئه‌مینداری گشتیی بزووتنه‌وه‌ى نوجه‌با، كه بزووتنه‌وه‌كه‌ى یه‌كێكه له میلیشیاكانى سه‌ر به حه‌شدى شه‌عبى، له هه‌ڕه‌شه‌كانى به‌رده‌وام ده‌بێت و ده‌ڵێت: "نه‌ك هه‌ر ئه‌وه، بەڵکو هەرکەسێک کە ناسنامه‌ى ئێوه‌ى هەڵگرتووبێت و هه‌روه‌ها هەموو بەرژەوەندییە ڕاستەوخۆ و ناڕاستەوخۆکانی ئێوە، تا لە دونیادا بە زیندووی بمێنینەوە، دەبێتە ئامانجی ئێمە".
ئه‌م هه‌ڕه‌شانه‌ى ئه‌كره‌م كه‌عبى له دواى ئه‌وه دێت كه پێشتر تره‌مپ ڕایگه‌یاندبوو، شوێنى خامینه‌یی ده‌زانین، به‌ڵام نایكوژین، هه‌روه‌ها شه‌وى ڕابردوو ڕایگه‌یاند، ڕه‌نگه ئه‌مریكا به‌شدارى له شه‌ڕه‌كه‌دا بكات، به‌ڵام چاوه‌ڕێی دواهه‌ڵوێستى ئێرانن سه‌باره‌ت به ڕێككه‌وتنى ئه‌تۆمی.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه