چەند خولەکێک لەمەوبەر، سوپای پاسدارانی ئێران ئۆپەراسیۆنی دەیەمی هێرشیی مووشەکی و درۆنی ئێران بۆ سەر ئیسرائیل دەستی پێ کرد.
ئاژانسی هەواڵی تەسنیم بڵاوی کردووەتەوە، ژمارەیەک مووشەکی بالیستی و درۆنی بە ئاراستەی ئیسرائیل هەڵدراوە و چەند ئامانجێکی گرنگ و هەستیاری ڕژێمی ئیسرائیل بە ئامانج گیراون.
سوپای پاسداران ڕایگەیاندووە، ئەم هێرشەی ئێوارەی ئەمڕۆ سێشەممە 17ی حوزەیرانی 2025، لە چوارچێوەی ئۆپەراسیۆنەکانی بەڵێنی ڕاستگۆیی سێیە و مووشەک و درۆنەکانیان ئاراستەی چەند شوێن و ئامانجێک کردووە کە دەکەونە تەلئەڤیڤ و حەیفا و چەند ناوچەیەکی دیکە.
هەروەها ئاماژەیداوە، هێرشەکە لە وەڵام و تۆڵە سەندنەوەی خوێنی فەرماندەکانی سوپای پاسداران و هێزەکانی دیکەی ئێرانە، کە لە پێنجەم ڕۆژی ڕابردوودا بەهۆی هێرشە ئاسمانییەکانی ئیسرائیل کوژراون.
هاوکات لەگەڵ هەڵدانی مووشە و درۆنەکان، لە سەرتاسەری ئیسرائیل زەنگی ئاگەدارکردنەوە لێداوە و ناوەندی سوپای ئیسرائیل لە شارەکان داوایان لە خەڵکی کردووە و بە پەلە خۆیان بگەیەننە حەشارگەکان، چونکە لە هەر چرکە ساتێک بێت، مووشەک و درۆنەکانی ئێران دەگەنە ئاسمانی ئیسرائیل.
میدیاکانی ئیسرائیل بڵاویان کردووەتەوە، بەهۆی ئەو جەنگەی پێنج ڕۆژە لە نێوان تەلئەڤیڤ و تاران دەستی پێکردووە، خەڵکی ئیسرائیل لە ترس و دڵەڕاوکێ دان و زۆربەی کاتەکانی شەو و ڕۆژیان لە ڕێگەی هەڵاتن و مانەوە لە حەشارگەکان بەسەر دەبەن.
هەروەها سوپای ئیسرائیل ئامادەیی سیستەمی بەرگریی ئاسمانی لەسەرتاسەر وڵاتەکە ڕاگەیاندووە، بۆ بەرپەرچدانەوە مووشەک و درۆنەکانی ئێران.
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه