وەزیری دەرەوەی حکومەتی ڕاگوزەریی سووریا لە سەرەتای هەفتەی داهاتوودا سەردانی عێراق دەکات و لەگەڵ فوئاد حوسێن، وەزیری دەرەوەی عێراق و محەممەد شیاع سوودانی، سەرۆکوەزیرانی عێراق کۆ دەبێتەوە.
دوای ڕووخانی دەسەڵاتی بەشار ئەسەد لەلایەن ئۆپۆزیسیۆنی چەکداریی سووریا، حکومەتی نوێی سووریا پەیامی دڵنیایی دا هەموو وڵاتان نابنە مەترسی بۆ سەر هیچ لایەک و نیازی خۆی بۆ گرێدانی پەیوەندیی لەگەڵ سەرجەم وڵاتان نیشان دا.
ئەسعەد شیبانی، وەزیری دەرەوەی سووریا لەگەڵ بەرپرسانی عێراق تاوتوێی ئاسایشی سنووری هاوبەش، دووبارە کردنەوەی دەروازە سنوورییەکانی نێوانیان، دەستپێکردنەوەی گەشتە ئاسمانییەکانیان، دەستپێکردنەوەی چالاکییە ئابووری و بازرگانییەکانی نێوانیان دەکەن.
هاوکات سەرچاوەکان باسیشیان لەوە کرد، پرسی بوونی داعش لە خاکی سووریا تاوتوێ دەکەن و عێراق گرنگییەکەی زۆر بەم پرسە دەدات.
لە چەند ڕۆژی ڕابردوودا ئەسعەد شیبانی سەردانی چەند وڵاتێکی عەرەبیی کرد لەوانەش، سعوودیە، قەتەر وئیمارات، چەندین پرسی سیاسی و ئەمنی و داهاتووی سووریا تاوتوێ کران.
ڕۆژی 26-12-2024، شاندێکی عێراق بە سەرۆکایەتیی حەمید شەتری، سەرۆکی دەزگای هەواڵگریی عێراق گەیشتە دیمەشق و لەگەڵ ئەحمەد شەرع و بەرپرسانی ئیدارەی نوێی سووریا کۆبووەوە و پرسی ئەمنی تەوەری سەرەکیی گفتوگۆکانیان بوون.
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه