ئیسرائیل هۆشداری دایە ئێران ، ئامادەین

سەرچاوەیەکی ئیسرائیلی ئه‌مڕۆ (هەینی 3ى 1ى 2025) بۆ (سکای نیوز عەرەبی) ئاشكراى كرد، کە وڵاتەکەی "ساڵانێکی زۆرە" خۆی بۆ ئەگەری ڕووبەڕووبوونەوە لەگەڵ ئێران ئامادە دەکات.
ئەو سەرچاوەیە، گوتیشی: "لە ئێران ئێمە هەواڵگری و بانکی ئامانجمان هەیە، سەلماندوومانە کە توانامان هەیە"، هه‌روه‌ها دەشڵێت: "ڕژێمی ئێران وەک حوسییەکان نییه‌، ئه‌وان ده‌وڵه‌تن و ئه‌وه‌ىان هه‌یه‌ كه‌ له‌ده‌ستى بده‌ن، بۆیه‌ بە شێوەیەکی لۆژیکی بیر دەکه‌نه‌وه‌”.

ئه‌و سه‌رچاوه‌یه‌ لە درێژەی لێدوانه‌كه‌یدا، گوتیشی: "لە دۆخی ئێراندا پێویستیمان بە هاوکاری نێودەوڵەتی هەیە، میحوەری ئێران لە جاران لاوازتر بووە، لە ڕووی تواناکانەوە لاوازتر بووە، هه‌روه‌ها لە ڕووی ناوبانگیشەوە لە ناوچەکەدا لاواز بووە".

ڕوونیشی کردەوە: "ئەو ئەڵقەی ئاگرەی کە ئێران لە دەوروبەری ئیسرائیل دروستی کرد، زیانێکی زۆری پێگەیشتووه‌، دەبینین نەبوونی قاسم سولەیمانی کاریگەری لەسەر میحوەری ئێران هەبووە".