بە ئامادەبوونی بەرپرسانی ئەمەریكا و فرەنسا، لە بارەگای هێزەكانی هاوپەیمانان لە سووریا، كۆبوونەوەیەك لە نێوان لایەنە كوردییەكانی رۆژئاوای سووریا بەڕێوەچوو، تێیدا گفتوگۆ لەبارەی هەڵوێستی كورد بۆ دروستكردنی سووریای نوێ کرا و هەوڵەکە بۆ ئەوەیە کورد بەیەک پڕۆژەوە بچێتە دیمەشق بۆ مافەکانی.
ئێوارەی ئەمڕۆ دووشەم 23ی كانوونی یەكەمی 2024، لە رۆژئاوای كوردستان، بە ئامادەبوونی بەرپرسانی هاوپەیمانی نێودەوڵەتی و بەدیاریکراوی شاندی ئەمەریکا و فڕەنسا، كۆبوونەوەیەك لە نێوان هێزەكانی سووریای دیموكرات " هەسەدە و ئەنجوومەنی نیشتمانی كوردی سووریا "ئەنەكەسە ئەنجام درا و بەپێی راگەیەنراوی هەسەدە و لێدوانی ئەنەكەسە، ئامانج لە كۆبوونەوەكە گفتوگۆكردن لەبارەی هەڵوێستی كورد لە سووریای نوێدا، بووە.
لە كۆبوونەوەكەدا بڕیار درا لایەن و هێزە كوردییەكان بەردەوام بن لە یەكتربینین و كۆبوونەوەی تر بۆ گەیشتن بە پرۆژەیەکی هاوبەشیی کوردی و گفتوگۆ لەگەڵ دیمەشق.
وەڵام بدەوه