فه‌رمانده‌ی سه‌ربازی ده‌سته‌ی ته‌حریر شام ئاماژه به‌وه ده‌كات، دامه‌زراوه‌ی نوێی سووریا سه‌رجه‌م گرووپه چه‌كداره ئۆپۆزیسیۆنه‌كانی سووریا له خۆ ده‌گرێت.
سێشه‌ممه، 17ـی كانوونی یه‌كه‌می 2024، مورهه‌ف ئه‌بو قه‌سره 'ئه‌بو حه‌سه‌ن حومه‌وی'، فه‌رمانده‌ی سه‌ربازی ده‌سته‌ی ته‌حریر شام ڕایگه‌یاند، ئامانجیان دامه‌زراندنی دامه‌زراوه‌ی نوێی سووریایه كه سه‌رجه‌م گرووپه چه‌كداره ئۆپۆزیسیۆنه‌كانی ئه‌و وڵاته له خۆ ده‌گرێت. گوتیشی، ئه‌مه هه‌نگاوی داهاتوویانه له دوای ڕووخانی ڕژێمی به‌شار ئه‌سه‌د.
مورهه‌ف ئه‌بو قه‌سره هه‌روه‌ها ئاماژه‌ی به‌وه‌ش كردووه، له هه‌ر ده‌وڵه‌تێكدا پێویسته سه‌رجه‌م یه‌كه سه‌ربازییه‌كان له دامه‌زراوه‌یه‌كدا كۆ بكرێنه‌وه.
فه‌رمانده‌ی سه‌ربازی ده‌سته‌ی ته‌حریر شام سه‌رنجی بۆ ئه‌وه‌ش ڕاكێشا، ئه‌وان یه‌كه‌مین لایه‌ن ده‌بن كه باڵی سه‌ربازییان هه‌ڵبوه‌شێننه‌وه و بۆ ئه‌م مه‌به‌سته‌ش له پێناو به‌رژه‌وه‌ندیی گشتیی سووریادا، ئه‌م ده‌ستپێشخه‌رییه ده‌كه‌ن.
مورهه‌ف ئه‌بو قه‌سره هاوكات هێمای بۆ ئه‌وه كردووه، ناوچه‌كانی ژێر ده‌سه‌ڵات و كۆنترۆڵی هێزه‌كانی سووریای دیموكرات ده‌گه‌ڕێنه‌وه ژێر به‌ڕێوه‌به‌ری نوێی وڵات. جه‌ختیشی كرده‌وه، هه‌ر جۆره فیدراڵییه‌ك له سووریا ڕه‌ت ده‌كه‌نه‌وه.
ناوبراو گوتیشی، كورد یه‌كێكه له پێكهاته‌كانی گه‌لی سووریا و كێشه له‌گه‌ڵ گه‌لی كورد نییه، به‌ڵكوو له‌گه‌ڵ سه‌ركرده‌كانی هه‌سه‌ده‌یه و چه‌ندین جاریش دووباره‌یان كردووه‌ته‌وه، كه سووریا دابه‌ش ناكرێت و هیچ جۆره فیدراڵییه‌كیش قبووڵ ناكه‌ن
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه