ئەمشەو یەكشەممە، 10ی 11ی 2024، كەناڵی (حەدەس) ڕایگەیاندووە: "سەلیم عەیاش، بەرپرسی باڵای ڕێكخراوی حزبوڵا لە هێرشێكی ئیسرائیلدا كوژرا."
تاكوو ئێستا شوێنی تەواوی هێرشەكە دیار نییە، بەڵام وەكوو دەگوترێ، لە شارۆچكەی قەسیر لە ناوچەی سنووریی نێوان لوبنان و ئیسرائیل كوژراوە.
ئەو بەرپرسە دیارەی حزبوڵا، تۆمەتبار بوو بە تیرۆركردنی ڕەفیق حەریری، سەرۆكوەزیرانی لوبنان لە ساڵی 2005، كە دواتر لە ساڵی 2020 دادگای نێودەوڵەتیی تایبەت لە لوبنان بەشێوەی پاشملە (غیابی) سزای بەسەردا سەپاند.
عەیاش لە شاری حاروف لە قەزای نەبتیە لە باشووری لوبنان لە ساڵی 1963 لەدایك بووە و لەگەڵ سێ لە هاوڕێیانی: حوسێن عەنیسی، حوسێن حەبیب مەرعی، ئەسعەد سەبرا، تۆمەتبار بوون بە كوشتنی حەریری لە 14 ی شوباتی 2005.
وەڵام بدەوه