وادەی ھێرشەکە ئاشکراکرا

كەناڵی (سی بی ئێس)ی ئەمریكی لەسەر زاری بەرپرسانی باڵای سەربازی رایگەیاندووە، هێرشی ئێران بۆ سەر زۆر نزیكە و رەنگە ئەمڕۆ روو بدات.

ئەمڕۆ هەینی 12/4/2024، كەناڵی (سی بی ئێس)ی لێدوانی چەند بەرپرسێكی ئەمریكی بڵاو كردووەتەوە ئاماژەی بەوە كردووە، هێرشی ئێران بۆسەر ئیسرائیل زۆر نزیكە و رەنگە ئەمڕۆ روو بدات.

هاوكات كەناڵی ئیسرائیل، بڵاوی كردووەتەوە، ئەمریكا كەشتی مووشەكی لە كەنارە ئاوییەكانی نزیك ئیسرائیل بڵاو كردووەتەوە بە ئامانجی بەرگریی كردن.

بەهۆی گرژییەكانی ئێران و ئیسرائیل، چەندین وڵاتی ئەورووپا، ئەمریكی و ئاسیایی داوایان لە هاووڵاتییان كردووە، تا كاتێكی نادیار سەردانی رۆژهەڵاتی ناوەڕاست نەكەن.

كەناڵی 12ی ئیسرائیلی رایگەیاندووە، ئەمڕۆ، بنیامین ناتانیاهۆ، سەرۆك وەزیرانی ئیسرائیل، لەگەڵ وەزیری بەرگریی و بەرپرسە باڵاكانی سەربازی كۆ دەبێتەوە و هەڵسەنگاندن بۆ هێرشە چاوەڕوانییەكانی ئێران دەكات.

رۆژی یەكی نیسان 2024، هێرشكرایەسەر باڵەخانەیەكی نزیك باڵوێزخانەی ئێران لە سووریا، لە ئەنجامدا، دوو فەرماندەی باڵا، پێنج ئەفسەر و راوێژكاری سوپای پاسدارانی ئێران كوژران، لەوكاتەوە گرژییەكانی نێوان ئەو دوو وڵاتە چووەتە قۆناخێكی نوێەوە.