بە گوێرەی هەواڵێکی کەناڵی حەدەسی عەرەبی، کە لە سەرچاوەیەکی ڕوانگەی سووری بۆ مافەکانی مرۆڤ وەرگیراوە، دیمەشق ڕێگەی بە ئێران نەداوە تاران خاکەکەی بەکار بهێنێت بۆ تۆڵەسەندنەوە لە ئیسرائیل.
ئەمڕۆ 11ی نیسانی 2024 کەناڵی حەدەس بڵاوی کردەوە، بەشار ئەسەد داوایەکی ئێرانی بۆ بەکارهێنانی خاکی سووریا بۆ هێرشکردنە سەر ئیسرائیل ڕەتکردووەتەوە، ئەمەش سەرەڕای تەبای و پتەوی پێوەندی نێوان تاران و دیمەشق، ئێستە ئێران ناچار بووە یان لە ڕێگەی لبنانەوە، یان لە خاکی خۆیەوە هێرش بکاتە سەر ئیسرائیل، زۆرینەی سەرچاوەکان باس لەوە دەکەن ئێران بەڵێنی داوە لە خاکی خۆیەوە مووشەک ئاراستەی ئیسرائیل بکات، بەڵام ئەوەی دەردەکەوێت لە ئازایەتی خۆی نییە لە ناو ئێرانەوە هێرش دەکات، بەڵکو پرسەکە بریتییە لەوەی کە تاران هیچ بژاردەیەکی تری لە بەردەستدا نییە بەپێز تر بێت لە هێرشی ڕاستەوخۆی ئەو وڵاتە بۆ سەر ئیسرائیل.
دوای ئەوەی ئیسرائیل پێگەی ئێرانی لە سووریا کردە ئامانج و سێ لە دیارترین فەرماندەکانی فەیلەقی قودسی سوپای پاسدارانی کوشت، ئێستە ئێران بەڵێنی داوە تۆڵەی هێرشەکە لە ئیسرائیل بکاتەوە و بەم دواییە خامنەی ڕابەری باڵای ڕژێمی ئیسلامی لە گوتاری جەژن بەڵێنی تۆڵەسەندنەوەی لە ئیسرائیل پشتڕاست کردەوە.
وەڵام بدەوه