مهسرور بارزانی، سهرۆكی حكوومهتی ههرێمی كوردستان، ڕایگهیاند: ئەمڕۆ پێشوازیمان لە بەڕێز کۆلۆنێل دانێیلێ پیزانی فەرماندەی هێزەکانی ئیتالیا لە عێراق و هەرێمی کوردستان کرد کە بە بۆنەی کۆتاییهاتنی ئەرکەکانی سەردانی کردبووین.
لە دیدارەکەدا کە بەڕێز کۆلۆنێل ستێفانۆ سلڤادۆری فەرماندەی نوێی هێزەکانی ئیتالیا لە عێراق و هەرێمی کوردستان ئامادەی بوو، سوپاسی ئیتالیامان کرد بۆ هاریکاری و پشتگیریکردنی هەرێمی کوردستان و هیوای سەرکەوتنمان بۆ فەرماندەی پێشوو خواست لە ئەرکی داهاتوویدا و پیرۆزبایی دەستبەکاربوونیشمان لە فەرماندەی نوێی هێزەکانی ئیتالیا لە عێراق و هەرێم کرد.
تەوەری سەرەکی دیدارەکەمان، گفتوگۆکردن بوو لە بارەی پەرەپێدانی پەیوەندییەکانی هەرێمی کوردستان و ئیتالیا و چاکسازییەکانی وەزارەتی پێشمەرگە .
شاندی سەربازی ئیتالی جەختی لە بەردەوامبوونی پشتیوانیی ئیتالیا و هێزەکانی هاوپەیمانان بۆ هێزی پێشمەرگە، بە تایبەتی لە بواری ڕاهێنان کردەوە.
وەڵام بدەوه