سەرچاوەیەک لە وەزارەتی دارایی و ئابووریی حکومەتی هەرێمی کوردستان راگەیاند؛ هیچ کێشەیەک بۆ دابەشکردنی مووچە نییە و دوای تەواو بوونی دابەشکردنی مووچەی مانگی شوبات، راستەوخۆ دەست بە دابەشکردنی مووچەی مانگی ئازار دەکرێت.
بە گوتەی ئەو سەرچاوەیەی، دوای ئامادەکردنی خشتەی مووچە، لە هەفتەی داهاتوووەوە دەست بە دابەشکردنی مووچەی مانگی ئازار دەکرێت.
لە رۆژی 8-3-2023 دەست بە دابەشکردنی مووچەی مانگی شوباتی فەرمانبەران کراوە و بەگوێری خشتەی دابەشکردنی مووچە ئەمڕۆ پرۆسەکە بە دابەشکردنی مووچەی خانەنشینیی پێشمەرگە کۆتایی دێت.
لە هەرێمی کوردستان یەک ملیۆن و 251 هەزار و 451 مووچەخۆر هەن، 751 هەزار و 805 کەسیان فەرمانبەری سەربازی و شارستانین؛ 242 هەزار و 269 کەسیان خانەنشینن.
وەڵام بدەوه