باران سەرتاسەری ھەرێمی کوردستان دەبارێت.

به‌ڕێوه‌به‌رایه‌تی كه‌شناسی و بوومه‌له‌رزه‌زانی هه‌رێمی كوردستان رایگه‌یاند، ئەمڕۆ یەکشەممە 26/03/2023، کەش/ ئاسمان هەور دەبێت، لە پاش نیوەرۆوه‌ پێشبینى هاتنى شەپۆلى بارانبارین  دەکرێت بۆ سەر ناوچەکەنی هه‌رێمی كوردستان، بارانبارین لە زۆربەى ناوچە جیاجیاکان دەبارێت، هەندێك جار هەورەتریشقە و لێزمەبارانى کورتخایەن دروست دەبێت، بەشێک لە ئیدارەى گەرمیان و کەرکووک و ناوچە شاخاویەکانى ڕۆژهەڵاتى هەرێمی كوردستان ئەگەرى بارانبارینى زیاترە.

پلەکانی گەرما/ نزم دەبێتەوە بە 1 تا 2 پلە بە بەراوورد بە تۆمارکراوەکانی رۆژى پێشوو، خێرایی با / لەسەر خۆ بۆ مام ناوەند  دەبێت (10  -  20) کم/ک 

ئاماژه‌ی به‌وه‌ش كردووه‌، سبەی دووشەممە 27/03/2023 ، کەش/ ئاسمان هەور دەبێت، بارانبارین لە کاتى جیا جیا بە شێوەی بارانى مامناوەند دەبارێت، له‌گه‌ڵ هەورە تریشقە و لێزمە باران لە هەندێ کاتدا، لە شەودا کاریگەرى شەپۆلى بارانبارین کۆتایى دێت لە سەر بەشێک لە ناوچەکەمان و ئاسمان دەگۆڕێت بۆ نیمچە هەور.