ئاراس جه‌بار، شاره‌زای كه‌شوهه‌وا رایگه‌یاند: "ئێستا ئاسمان و کەشی ناوچە جیاجیاکانی ھەرێمی کوردستان، لەژێر کاریگەری درێژبوونەوەی نزمەپاڵەپەستۆیەکی لاوازی دەریای سوور بە زۆری گۆڕاوە بۆ ھەوری تەواو.
ئاماژه‌ی به‌وه‌ش داوه، بارانی کەم و پچڕ پچڕیش لە ھەندێ ناوچەدا ھەیە و لە کاتەکانی داھاتوودا کاریگەریەکانی زیاتر ئەبێت و لە ھەندێ ناوچەشدا ئەگەری ڕوودانی ھەورە بروسکەش ده‌بێت. بەڵام رێژەی بارانەکە بەڕاورد بە حاڵەتەکانی پێشتر کەمتر دەبێت و ھەموو ناوچە و شوێنێک ناگرێتەوە، زیاتر ناوچە شاخاویەکان ئەگەری بارانی زیاترە، تا ئه‌مڕۆ ئێوارەش بەلاوازیی بەردەوام دەبێت و دواتر کۆتایی پێ دێت.
ئاشكراشی كردووه، "لە رۆژی ھەینیەوە تا کۆتایی ئەم مانگە، زیاتر کەشێکی وشک و سەقامگیرمان ئەبێت و ئەگەری بارانبارین نابێت"
وەڵام بدەوه