شەپۆلێکی بەهێزی بارانبارین بەڕێوەیە

شەپۆلێکی بارانبارین و هەورەتریشقە ڕووی لە ناوچەکانی هەرێمی کوردستان کردووە و پلەکانی گەرماش دوو بۆ سێ پلە دابەزیون، هاوکات کەشناسان پێشبینیی شەپۆلێکی بەهێزتر لە کۆتایی مانگدا دەکەن.
شاڵاو هیدایەت، شارەزای کەشناسی ڕایگەیاند، بەپێی دواین گۆڕانکاریەکانی جفسی ئەمریکی و ئیکمۆفی ئەوروپی پێشبینی بارانێکی زۆر دەکرێ لەم مانگەدا و ئەگەری تەرزە و لافاویش هەیە بەو هۆیەوە لەناو 10 ڕۆژی کۆتایی ئەم مانگە تاوەکو سەرەتاکانی مانگ پەڵەی سەرتاسەری دەدات و بارانی پەڵەی ئەمساڵ پێش دەکەوێت.
وتیشی، هیوادارین هەموو ئامادەکاریەک بکرێت بۆ لافاو و تەرزە، شەپۆلە بەهێزەکان لەم مانگەوە دەست پێدەکەن و مانگەکانی داهاتووش شەپۆلی بەهێز و تابەهێزتریشی تێدان”.
لای خۆشیەوە، ئاراس جەبار، شارەزای كەشناسی وتی، “لە نێوان 22 بۆ 27ـی ئەم مانگەدا، پێشبینی دەکرێت شەپۆلێکی مامناوەند بۆ بەهێزی بارانبارین لە دەریای ناوەڕاستەوە هەرێمی کوردستان و ناوچەکە بگرێتەوە، کە دابەزینی بەرچاوی پلەکانی گەرمای لەگەڵدا دەبێت.
ئەم بارانبارینە لە کاتێکدایە کە دەستپێکی وەرزی پاییز لە هەرێمی کوردستان ساڵانە بە شەپۆلی کورتخایەن دەست پێدەکات و جووتیاران چاوەڕوانی بارانی پەڵە دەکەن بۆ دەستپێکردنی وەرزی کێڵان و چاندن.